Entertainment news » यस्तो दुर्घटना जहाँ १४ जनाले ७२ दिनसम्म मरेका लाश खाए

एजेन्सी । विश्व इतिहासमा केही यस्ता दुर्घटनाहरु भएका छन्, जसमा फँसेका मानिसहरुले अत्यन्तै बिशम परिस्थितिको सामना गर्नुपरेको छ ।
सन् १९७२ मा एण्डिज पहाडमा भएको एक विमान दुर्घटनामा परेका १४ जना ७२ दिनसम्म बिना खाना बाँचे ।
‘मिराकल अफ एण्डिज’ र एण्डिज फ्लाइट डिजास्टर’ नामको यो प्रसिद्ध दुर्घटना १३ अक्टुबर १९७२ मा भएको थियो ।
उक्त विमानमा उरुग्वेका ओल्ड क्रिश्चियन क्लबका रग्बी खेलाडी र चालक दलका सदस्यहरु थिए ।
उरुग्वे एयर फोर्सको विमान टिमका खेलाडी, अधिकारीहरु र उनीहरुका परिवारलाई लिएर उडेको थियो । विमानमा ४५ जना सवार थिए ।
विमानले उडान भरेलगत्तै मौसम खराबी भएसँगै पाइलटले हिउँका कारण पहाड नदेख्दा १४ हजार फिट उचाईमा उडिरहेको विमान पहाडमा ठोक्किएर दुर्घटना हुन पुग्यो ।
विमान पहाडमा ठोक्किएपछि उनीहरुमध्ये २७ जना जिउँदो रहेका थिए । तर खराब मौसम र खानाको अभावमा १२ जनाको मृत्यु भएको थियो । तत्कालीन रग्बी टिमका दुई खेलाडी नन्दो पैराडो र रोबर्ट कैनेसासहित १४ जना बाँच्न सफल भएका थिए ।
दुर्घटनालगत्तै उरुग्वे सरकारले उद्दार तथा राहत कार्यक्रम सुरु गरेपनि ११ दिनपछि बन्द भएको घोषणा गरेको थियो । जिउँदो बचेका यात्रीहरुले सुरुमा विमानमा रहेको खाना बाडेर लिए तर त्यसले नपुगेपछि उनीहरुले आफ्नै साथीहरुको लाश टुक्रा पारेर खाए ।
कमजोर हुनुका बाबजुद नन्दो र कैनेसा १२ दिनसम्म हिँडेर चिलीको एक वस्तीमा पुगेर उद्दारका लागि दुर्घटनाग्रस्त क्षेत्रबारे जानकारी गराए । यसरी उनीहरुले आफूलाई बचाए भने अन्य सार्थीहरुका लागि देवदूतको काम गरेका थिए ।