सोतीबजारमा बूढीगण्डकीको भेल पस्यो, ३३ घर विस्थापित

अविरल वर्षापछि बूढीगण्डकी नदीमा आएको भेलले गोरखाको थुमी गाविस–६ स्थित सोती बजार बगाएको छ ।
उर्लेको बूढीगण्डकीको भेलले गएराति १२ बजे बजार बगाएको हो । “भेलले पहिले पुछारबजार बगायो”, सोती बजारकी होटल व्यवसायी सपना पन्तले भने, “गाउँले बजार छाडेर जङ्गलमा बसेका छन् ।” सोती बजारमा ३३ वटा घर थिए । तीमध्ये पाँचवटाभन्दा धेरै बाढीले बगाएको हो ।

Labels: News