News » पारसलाई भेट्‍न हिमानी बैंकक जाँदै

काठमाडौं: थाइल्यान्डको उदुङखानीमा जेल जीवन बिताइरहेका पूर्वयुवराज पारस शाहलाई भेट्‍न पूर्वयुवराज्ञी हिमानी बिहीबार बैंकक जादै छन्। लागूऔषध कारोबारको आरोपमा प्रकाउ परेका पारसले जेलमा बस्दा आफूलाई घरपरिवारको साथ नपाएकोमा चिन्ता व्‍यक्त गरेपछि हिमानी त्‍यसतर्फ प्रस्‍थान गर्न लागेकी हुन्। उनी आज दिउँसो एक बजे थाई एयरलाइन्सबाट थाइल्यान जान लागेकी उच्च स्रोतले बताएको छ । धीरेन्द्र पुत्री दिलासा भने पारसलाई सहयोग गर्न बैंककमै रहेकी छिन।तर आर्थिक अभाव र मुद्दा फैसलाका लागि रकम कम भएपछि हिमानी थाइल्यान्ड जान लागेको बुझिएको छ। पारस थाइल्यान्डमा करिब ८ सय किलोमिटर टाढा लावसमा जेलमा करीब डेढ महिनादेखि बस्दै आएका छन्। उनलाई त्‍यहाँ रहेका नेपालीहरु भेट गर्ने गरेका छन्। सोही भेटमा उनले आफूलाई परिवारका मान्छे भेट गर्न नआएको गुनासो पोखेपछि नेपाली आफन्तको आग्रहमा पारस पत्नी हिमानी त्‍यसतर्फ जान लागेको पारिवारिक स्रोतले जनाएको छ।