पावर बलको ५६४.१ मिलियन डलर ३ जनालाई, एक नेपालीले १ मिलियन डलर पाउने
| यसपटकको पावर बल ज्याक पटमा टेक्सास, नर्थ क्यारोलाइना र पोर्टो रिकोमा खरिद गरेका टिकटहरु परेका छन्। | |
विकास राज न्यौपाने अमेरिका, फेब्रुअरी १३ - यसपटकको पावर बल ज्याक पटमा टेक्सास, नर्थ क्यारोलाइना र पोर्टो रिकोमा खरिद गरेका टिकटहरु परेका छन् ।
५सय ६४ दशमलब १ मिलियन डलरको लागि भएको ड्रमा ११, १३, २५, ३९, ५४ र पावर बल १९ निस्किएको थियो ।
३ जना विजेताहरुलाइ ५६४.१ अमेरिकी डलरलाइ ३ भागमा बिभाजित गरि वितरण गरिनेछ । यसैबिच नर्थ टेक्सासको टिकटमा बिजेता टिकटका बिक्रेता भने नेपाली रहेका छन् ।
टेक्सासका चन्द्र शिवाकोटी र कुमार शिवाकोटीले सञ्चालन गरेको नर्थ टेक्सासको प्रिन्सटन स्थित एप्पल ट्री फुडमार्टबाट खरिद गरेको टिकट बिजयी भएको हो ।
पावर बलमा बिक्री भएको टिकट बिजयी भएमा बिक्रेताले पनि कमिशन पाउने नियम छ । यही नियम अनुसार नेपालीले सञ्चालन गरेको फुड मार्टले करिब १ मिलियन डलर कमिशनका रुपमा पाउनेछ । आफुले बिक्री गरेको टिकट बिजयी भएर कमिशन पाउने भएपछि चन्द्र शिवाकोटी तथा कुमार शिवाकोटी भने उत्साहित बनेका छन् ।
२००७ देखि ब्यवसाय शुरु गरेका शिवाकोटी दाजुभाइ टेक्ससाको मेकनीमा बसोबास गरिरहेका छन् । पहिलो पटक नेपाली व्यवसायीले लटरी टिकट बिक्रि गरेर बिक्रेताको रुपमा १ मिलियन डलर कमिशन पाउन सफल भएको हो ।
 | |
