मलेसिया : मलेसियाको क्वालालाम्पुर सहरमा प्रभु मनी ट्रान्सफरका एक कर्मचारीबाट ३ लाख ३० हजार रिंगिट (९० लाख रुपैयाँ) लुटिएको छ । 
 

बिहीबार दिउँसो नेपाल पठाउनका लागि बैंकमा जम्मा गर्न जाने क्रममा प्रभु मनी ट्रान्सफरका कर्मचारी प्रमोद न्यौपानेलाई छुरी हानेर सो रकम लुटिएको हो । 

क्वालालाम्पुरको कोतारायामा भएको सो घटनामा रकम लुट्ने क्रममा लुटेराको छुरी प्रहारबाट घाइते न्यौपानेको स्थानीय अस्पतालमा उपचार भइरहेको छ ।