गोरखामा मिनिबस दुर्घटना, २० जना घाइते...
१९ असोज, गोरखा । गोरखाको हर्मी गाविस-१ बयापानीमा यात्रुबाहक बस दुर्घटना भएको छ । दुर्घटनामा २० जना यात्रु घाइते भएका छन् । घाइते मध्ये पाँच जनाको अवस्था गम्भीर रहेको छ । ध १ ख १८० नम्बरको बस बिहान सडकबाट एकसय २० मिटर तल खसेको प्रहरीले जनाएको छ । दसैंको टीका लगाएर फर्केका यात्रुहरूले खचाखच भरिएको गाडी दुर्घटना भएको हो । गाडीमा करिब ५० यात्रु थिए । हर्मीबाट यात्रु बोकेर उक्त गाडी तनहुँको डुम्रे बजारका लागि छुटेको थियो । गाडी तनहुँको ब्यास समितिको भएको प्रहरीले जनाएको छ । दुर्घटनाको विस्तृत विवरण आउन बाँकी छ । रासस
