नेपाली काठमाडौं । मलेसियामा जारी एसीसी अण्डर १९ प्रिमियर लिग क्रिकेटमा नेपालले साउदी अरेबियालाई ५५ रनमै समेटेको छ । साउदी अरेबियालाई सस्तैमा समेट्ने क्रममा नेपाली बलरहरुले विषालु बलिङ गरे । सुशील कँडेल एक्लैले १० ओभरमा ९ मेडन राख्दै १२ रन खर्चिएर चार विकेट चट्काए । सुनील धमलाले ६ ओभरमा तीन मेडन राख्दै तीन रन खर्चेर दुई विकेट झारे । प्रेम तामाङले चार ओभर दुई बलमा दुई मेडन सहित दुई विकेट लिए । नेपाल सामू साउदी अरेबियाली व्याट्सम्यान क्रिजमा टिक्न सकेनन् । टोली ३३ ओभर दुई बलमै अल आउट भयो । नेपालले यो खेलमा विजय हात पारेपनि उपाधि जित्ने सम्भावना जिवित राख्न अर्को खेलमा दावेदार अफगानिस्तानलाई मलेसियाले फराकिलो अन्तरले हराउनु पर्ने हुन्छ । अफगानिस्तानको प्रदर्शनलाई हेर्दा नेपालले उपाधि जित्ने सम्भावना निकै न्यून छ ।

काठमाडौं: नेपाली युवा टोलीले घरेलु मैदानमा यू-१९ साफ च्याम्पियनसिपको उपाधि जित्दा टोलीका असली नायक बने गोलरक्षक सोजित गुरुङ। यसअघि सन् २०१३ को एएफसी यू-१४ च्याम्पियनसिपमा नेपाली टोलीबाट गोलरक्षकको भूमिका निर्वाह गरेका सोजित एकैपटक यू-१९ मा पहिलो रोजाइको गोलरक्षकमा देखिए।प्रशिक्षक मृगेन्द्र मि श्रले उनको क्षमता देखेर नै पोस्टको जिम्मा सुम्पिएका थिए।
यसअघि यू-१६ च्याम्पियनसिपमा गोल पोस्ट समालेका रोमन रसाइसीलाई दोस्रो रोजाइमा राखे, प्रशिक्षक मिश्रले। भारतविरुद्धको फाइनल खेलमा निर्धारित समयमा आधा दर्जन प्रहार विफल बनाएका सोजितले पेनाल्टी सुटआउटमा पनि आफूलाई अब्बल साबित गरे। ‘नेपाललाई घरेलु मैदानमा यो उपाधि दिलाउन सक्दाको क्षणलाई म शब्दमा व्याख्या गर्न सक्दिनँ। आफैंले भारतको पेनाल्टी रोकेर देशलाई जिताउन पाउँदा निकै खुसी लागेको छ। मैदानमा धेरैबेर रुन मन लाग्यो। त्यसैले रुँदै नेपालको झन्डा बोकेर मैदानमा घुमेँ। मेरो खेललाई भैरहवाको ठुटीपीपलमा रहनुभएका बुबाआमाले पनि टेलिभिजनमा हेरिरहनु भएको रहेछ। खेल जितेपछि मैले फोन गरेँ। फोनमा बाआमा बेस्सरी रुनुभयो, म पनि रोइरहेँ। अत्यधिक खुसीमा पनि आँसु झर्दो रहेछ', सोजितले अन्नपूर्ण पोस्ट्सँग भने। निर्धारित समयमै खेल जित्ने अपेक्षा गरेका सोजितले खेल पेनाल्टी सुटआउटमा तानिने कल्पनासमेत गरेका थिएनन् रे। '१-० गोलको अग्रता हुँदा खेलको अन्तिममा दिनेश राजवंशीको ह्यान्ड भयो। आखिर कुनै पनि खेलाडीले जानेर गल्ती गर्ने होइन। मैदानमा यस्तो धेरै हुन्छ। दिनेशको ह्यान्ड भएपछि भारतले पाएको पेनाल्टी नै बचाउँछु जस्तो लागेको थियो तर, रोक्न सकिनँ। 'मेरो खेललाई भरहवाको ठुटीपीपलमा रहनुभएका बाआमाले पनि टेलिभिजनमा हेरिरहनुभएको रहेछ। खेल जितेपछि मले फोन गरेँ। फोनमा बाआमा बेस्सरी रुनुभयो, म पनि रोइरहेँ। अत्यधिक खुसीमा पनि आँसु झर्दो रहेछ।' टाइब्रेकरमा पनि भारतको तीनवटा सट त रोक्छु भन्ने लागेको थियो। जज पनि सोहीअनुसार गरेको थिएँ तर, दुईवटामा टाइम मिलेन। मोनुद्दिनको एउटा सट त बचाएरै छाडेँ', सोजितले भने। सोजितले पेनाल्टीमा आफ्नो टोलीका सुटरले पनि राम्रो खेलेको बताए। 'म जन्मनुभन्दा अघिको पुस्ताले २२ वर्षअघि फुटबलमा उपाधि जितेको रहेछ। लामो समयपछि पुनः त्यस्तै खुसी फर्काउन पाउँदा निकै खुसी लागेको छ। हामी सधै भारतसँग पराजित हुने कुराले नमीठो लाग्थ्यो। अब हाम्रो पुस्ताका खेलाडीले आगामी दिनमा पनि भारतलाई हराउने क्षमता राख्छौं जस्तो लाग्छ', १६ वर्षीय सोजितले थपे। यू-१२ देखि एन्फा एकेडेमी बुटवलमा रहेका सोजित दुई वर्षअघि काठमाडौं आएका हुन्। एन्फा एकेडेमीमा रहेर खेल र पढाइलाई सँगै अगाडि बढाएका सोजित अहिले ओलम्पियाड वर्ल्ड कलेजमा व्यवस्थापन संकायमा दस जोड दुई पढ्दैछन्। सोजितको अबको लक्ष्य सिनियर राष्ट्रिय टोलीमा स्थान बनाउनु रहेको छ।

• नेपाली गोलरक्षक सोजित गुरुङले यसरी भारतीय खेलाडीको पहिलो पेनाल्टी रोके । जुन नेपाललाई उपाधि दिलाउन पर्याप्त भयो ।

काठमाडौं, भदौ १२ । पहिलो यु–१९ साफ च्याम्पियनसिप फुटबल प्रतियोगिताको उपाधि नेपालले जितेको छ । ललितपुरको सातदोबाटोस्थित एन्फा कम्प्लेक्सको मैदानमा शनिबार भएको खेलमा भारतलाई टाइब्रेकरमा ५–४ ले हराउँदै नेपाल च्याम्पियन बनेको हो । खेलको निर्धारित ९० मिनेटमा एक–एक गोलको बराबरी भएपछि पेनाल्टी सुटआउटबाट नतिजा निस्किएको हो । यसअघि, नेपालले खेलको ३१औं मिनेटमा गोल गर्दै प्रारम्भिक अग्रता लिएको थियो । सुनिल बलको कर्नर पासलाई सदुपयोग गर्दै तेज तामाङले गोल गरेका हुन् । तर, ८८औं मिनेटमा भारतले पेनाल्टीमा गोल गरेपछि खेल १–१ को स्थितिमा पुगेको थियो । तस्वीरः विमलको ट्वीटबाट ।