राजधानी भित्र र बाहिर सिनेमा घरहरुमा थेगिनसक्नुको दर्शकको भिडले पुन: एक पटक निखिललाई सफल नायकको दर्जा दिएको छ । ५ बर्षसम्म कुनै पनि चलचित्रमा अनुहार नदेखाएपछि उनको स्टार पावर काम नलाग्ने भन्दै धेरैले अनुमान गरिरहेको बेला चलचित्र भैरवले झण्डै इतिहास नै रच्न सफल भएको छ । देशमा संविधान निर्माणको बेलामा विभिन्न जिल्लाहरु बन्द भएपनि चलचित्र भैरवले प्रदर्शनमा आएको दोस्रो दिनमा नै करोड प्रवेश गरेको छ ।

पहिलो दिन मोफसलमा भैरवले ७ लाख ५० हजार र राजधानीमा २४ लाख ५८ हजार बराबरको कारोबार गरेको थियो । त्यस्तै चलचित्र वितरक कम्पनीले दिएको जानकारी अनुसार प्रदर्शनमा आएको दोस्रो दिन भैरवले मोफसलमा १६ लाख ५० हजार र राजधानीमा ५५ लाख ८८ हजार बराबरको व्यापार गरेको छ । काठमाडौंका वितरक गोपाल कायस्थका अनुसार चलचित्र भैरवले पहिलो दिनको तुलनामा दोस्रो दिन आक्रमक व्यापार गरेको जानकारी दिए । उनका अनुसार शनिबार ‘भैरव’ गोपीकृष्णका ३, गुण हलका ४ र अष्टनारायण हलका ३ वटै पर्दामा हाउसफूल भएको थियो । आईतबार पनि राजधानीमा विदा रहेकोले राजधानीको व्यापार आक्रामक हुने अनुमान गरिएको छ ।

चलचित्रका नायक निखिल उप्रेती र नायिका अनु शाह नै शुक्रबार र शनिबार राजधानीका विभिन्न हलहरुमा पुगी दर्शकहरुको प्रतिक्रिया लिन भ्याएका थिए । चलचित्रको एक्शन पाटोलाई दर्शकहरुले खुबै रुचाएका छन् । नायक निखिल उप्रेतीको निर्माण, निर्देशन र अभिनयमा निर्माण भएको चलचित्र भैरवले तराईमा हुने विभिन्न विषयलाई गम्भिर तरिकाले उठाएको छ ।

भैरवमा निखिलको अलवा अनु शाह, मुरलीधर, जयकिसन बस्नेत, नागेन्द्र रिजाल, रविन सेनलगायतले अभिनय गरेका छन् । चलचित्रको छायाँकान नवराजकृष्ण थापाले गरेका छन् भने चलचित्रको द्वन्द्व निर्देशन हिमाल केसीले गरेका हुन । संगीतमा सुरेश अधिकारी, नृत्यमा रामजी लामिछानेको निर्देशन रहेको छ ।

काठमाडौं - प्लेव्बाइका रुपमा परिचित सदाबहार हेण्डसम अभिनेता भुवन केसी पत्नी सुस्मितासँग सम्बन्ध विच्छेद भएपछि केही समय सिंगल बने । तर भुवन भनेपछि मरिहत्ते गर्ने युवतीहरुको के कमी हुन्थ्यो र ? त्यसैले उनको जीवनमा अर्की नायिका जिया केसीको प्रवेश भएको हल्ला फैलियो ।

रामप्रसाद खनाल ज्यु,

लोक गायिका ज्योति मगरलाई सुझाव दिएसंगै अहिले तपाइँ चर्चामा हुनुहुन्छ | स्वदेश विदेशमा सामाजिक संजालमा ज्योति र तपाइको बराबरी चर्चा भैरहेको छ | ती चर्चाहरु राम्रा नराम्रा दुवै खालका छन् | सबै ठाउँमा हामी सहि तपाई गलत भन्न खोजेकी होइन । तपाइले ज्योतिलाई राम्रो बोली र सकारात्मक रुपले पनि त सुझाव दिन सक्नुहुन्थ्यो नि । यसरी अपशब्द मार्फत देश बिदेस फैलाएर हाम्रो हामी नेपाली छोरिको बदनाम किन गर्नुभयो ? ज्योती मगरलाई तपाइँलाई दिएको सुझाव जस्तै तपाइँका छोरी,बुहारी,दिदीबहिनी,नातिनीहरुलाई अरु कसैले त्यस्तो सुझाव दियो भने तपाई के भन्नु हुन्छ ??     म ज्योती मगरको प्रशंसक भएर यी कुरा लेखिरहेकी छैन । म नेपाली छोरी हुँ त्यसैले तपाइको सुझाव सिंगो नेपाली महिलाको लागि हो भनेर बुझेको छु | महिला माथिको आलोचना गर्नेहरुलाइ केही कुरा भन्न मन लागेर केहि लेख्न लागेकी हुँ | आज रामप्रसाद खनाल मात्र होइन अन्य सबै रामप्रसादहरुलाई |     धर्म संस्कृती जोगाउने नाउंमा धर्मको बेइजत गर्दै पुरै शरीर नांगो पारेर हिड्ने चाही साहसी  पुरुष हुने ??  बालिका, बुढी आमा ,दिदिबहिनी,छोरि नातिनी,बुहारी ,सासू केही नभनी आफ्नो सिकार बनाइ मृत्युको मुखमा धकेल्ने यी बलवान् पुरुषहरुलाई के भन्नु हुन्छ तपाई ? सक्नुहुन्छ भने त्यस्ता बहादुर पुरुषहरुलाई नीलो फिल्म खेल्ने सुझाब दिनुहोस ,जहाँ खुशिले  आफ्नो सम्पूर्ण पुरुषार्थ देखाउन |     आज २१ औं शताब्दी , गणतन्त्र लोकतन्त्र, सवै आएको देशमा अनि समय अनुसार परिबर्तन भैरहेको हाम्रो समाजमा छोटो लुगा लगाएर नाच्दा चाहिँ कति सजिलै मीठो सुझाब दिनुभयो सायद यहिनै हामी नेपाली छोरिको कमजोरी हो जुन देशमा हाम्रो जन्म भएको छ।यदि कसैले यस्तो मन पराउनु हुदैन भने किन हेरिएको हुन्छ धेरै किन??मन पराइएको हुन्छ यस्तै म्युजिक भिडियोहरु अनि किन बनाइएको हो ?? त्यस्ता भिडियोमा मोडेलिङ गर्ने केटिको मात्र दोष हुने ? यसमा गीत लेख्ने,गाउने निर्देशन गर्नेको जिम्मेवारी हुदैन ?     संस्कृती, रितिरिवाज,धर्म चाड्पर्ब जोगाउने नाउँमा लामो गुन्यु बेरेर भए नभएका गहना पहिरिएर बिरहि गित गाएर बलिन्धारा आँसु बगाएर सौतेनी आमाको आलोचना ,जड्या पोइ, सासू ससुराको घोचाई , जातीय भेदभाब , बोक्सिको आरोपमा जिउदै जल्नुपरेको पीडा बिदेशमा बेचिनुपरेको , अन्पढ जस्ता थुप्रै थुप्रै गित गाएर नाचेर त यो समाजमा के नै नारिलाइ हेर्ने दृष्टि फरक भएको छ र ?? अनि छोरा र छोरी बिचको भिन्नता कहाँ नै टुंगिएको छ र यो समाजमा खास यस्तो हुनेहो भने कति छोरी आमाको कोख भित्रै मारिने थिएनन होला।   नारी हुनुको बाध्यता अनि आफुले सहनु परेको अपहेलना नारी विशेष तीजका गितहरु मार्फत पोखिएका भए अनि आँसु झार्दै रोएको देखेको भए तपाई र हाम्रो समाज खुशी हुन्थ्यो होला | छोरी चेलिका पिर ब्यथा सुनेर खुशी मनाउने बानी पर्नुभएका बुझ्नुहोस चाड्बाड कुनै दुख पिर होइन हाँसि खुशिमा मनाउनुपर्छ। ज्योतिको तीज गीतलाई त्यसरी लिन सकिन्नथ्यो??   वास्तबमा संस्कृती जोगाउनै कुरा गर्ने हो भने पहिलेदेखिनै विशेष नारिको चाड मानिन्छ तीज। अहिले नारिलाई  भन्दा बढी पुरुष अगाडि किन ??यो प्रश्न पनि तपाईप्रति ?? जहाँसम्म लाग्छ जे जति परिबर्तनहरु भईरहेका यो सबै समय ,परिबेश अनि हाम्रो समाजको देन हो। त्यसैले सक्नुहुन्छ भने भानुभक्तको बधु शिक्षाको चिन्तनलाई त्यागेर आफुहरुलाई पनि यहि परिबेश समाजमा ढाल्न सिक्नुहोस होइन भने विभिन्न बिकसित मुलुकमा बसेर हामी नेपाली छोछोरीलाई अप शब्दको सुझाब दिने तपाइँलाई कुनै अधिकार छैन |     वास्तबमा हामीहरुले सम्मान दिंदादिदै पनि आफ्नो देश छोडेर बिदेशिनु भएका कलाकार अनि विशिष्ट ब्यक्तीहरुमा साँचिनै आफ्नो देश संस्कृतिको यति धेरै माया छ भने बिदेशी मुलुकमा सिकेको कुराहरु भन्दा बिपरित भएर कुरा नगर्दिनुस ।सम्भब भए बिदेशमै बसेर भए पनि आफुभित्रको कला,ज्ञान ,सीप देखाउनुहोस् हामी सम्मान गर्न तयार छौं |

काठमाडौं । गायिका ज्योती मगरले केही अनलाईन् र ब्लगविरुद्ध मुद्दा दर्ता गराएकी छिन् ।

आफ्नो बारेमा गलत प्रचार गरेर बद्नाम गर्न खोजेको भन्दै ज्योतीले शुक्रबार नेपाल प्रेस काउन्सिलमा केही अनलाईन र ब्लगविरुद्ध मुद्दा हालेकी हुन् ।

ज्योती मगरमाथि हातपात भयो भन्ने गलत खबरलाई अनलाईनले प्रकाशित गरेपछि उनी केही दिनदेखि तनावमा पनि थिइन् । दैनिक नेपालसँग टेलिफोनमा कुरा गर्दै उनले गलत समाचार प्रकाशित गरी बद्नाम गर्न खोज्नेविरुद्ध प्रेस काउन्सिलमा मुद्दा दर्ता गरेको बताईन् । ‘हुँदै नभएको कुरालाई प्रचार गरी मेरो बद्नाम गरियो, तीनका विरुद्ध मैले आज मुद्दा हालेकी हुँ’ उनले आक्रोश पोख्दै भनिन् ।

आफ्नो बद्नाम गराउन गलत प्रचार गर्ने ब्लग र अनलाईनविरुद्ध साइबर क्राइममा समेत मुद्दा हालेको उनले जानकारी दिईन् । ‘ज्योती मगरले अंग देखाएर नाचेको भन्दै काठमाडौंको बालाजुमा महिलाहरुको समुहले हातपात गरेको’ झुटो समाचार केही ब्लग र समाचार अनलाईनले प्रकाशित गरेपछि ज्योती मगरको सवत्र्र आलोचना भइरहेको छ ।

यस्तो छ ज्योती मगरले दर्ता गराएको मुद्दा हेर्नुस् प्रतिलिपी :

अबिस्मरणीय बनाउन जुट्दैछन् नेपाली कलाकार

न्युयोर्क । नेपाली सिने उद्योगमात्र हैन बलिउडमा समेत आफ्नो अभिनय क्षमता सावित गरिसकेका कलाकार सुनिल थापालाई हलिउडमा ‘लाइफटाइम एचिभमेन्ट अवार्ड’ प्रदान गरिँदै छ ।

सान फ्रान्सिसको शहरमा आयोजना भइरहेको ‘फेस्टिभल अफ ग्लोब’ अवार्डमा कलाकार थापालाई सो अवार्ड प्रदान गर्न लागिएको हो ।

एक नेपाली अभिनेताले हलिउड फेस्भिलमा पाउन लागेको यो एक्सपोजरको खुसियालीमा नेपाली कलारकारहरु यतिबेला सानफ्रान्सिसकोमा जुट्दैछन् । समारोहलाई अविस्मरणिय बनाउनका लागि नेपाली कलाकारहरुले पनि आकर्षक प्रस्तुतिको तयारी गर्दैछन् ।

अगस्ट ७ देखि १६ सम्म जारी फेस्टिभलको आकर्षण ‘फेस्टिभल अफ ग्लोब’ अवार्डमा बलिउड चलचित्र ‘मेरी कोम’मा नायिका प्रियंका चोपडाको बक्सिङ प्रशिक्षकको भुमिका निभाएर आफ्नो अद्धतिय अभिनय क्षमतालाई प्रस्तुत गरेका सुनिल थापालाई उनको चलचित्र क्षेत्रको योगदानलाई कदर गर्दै लाइफटाइम अचिभमेन्ट अवार्ड दिन लागिएको हो ।

शनिबार दिइने अवार्ड समारोहलाई रोचक बनाउनका लागि नेपाली कलाकारहरुले पनि आकर्षक प्रस्तुति देखाउँदै छन् ।

करिब ७ मिनेट लामो प्रस्तुतिलाई कलाकार शंकर बिसीले कोरियोग्राफी गरिरहेका छन् । बीसीका अनुसार उक्त समारोहमा जहाँ छन् बुद्धका आँखा, कलाकार सुनिल थापाको करियरको उत्कृष्ट नेपाली चलचित्र चिनोको ‘मोहनी लाग्ला है’ भन्ने गीत र माइतीघरको गीत र रेसम फिरिरीको धुनलाई फ्युजन गरेर नायिकाहरु नन्दिता केसी र केकी अधिकारीले प्रस्तुति दिँदैछन् । नायिकाद्धय केसी र अधिकारीले विदेशी भुमिमा पनि यसरी आफ्नो देशका कलाकारलाई सम्मान गरिँदा आफु पनि संलग्न हुन पाएकोमा खुशी व्यक्त गरे ।

‘म निकै नै खुशी छु किनभने आफ्नो देशको कलाकारलाई विदेशी भुमिमा यति ठुलो सम्मान दिइदैछ र यस सम्मान कार्यक्रममा आफ्नो पनि सानो भुमिका रहंदा मन फुरुङं भएको छ’ केकीले भनिन् ।

उता अवार्ड पाउन लागेका कलाकार थापाले यसरी अन्तराष्ट्रिय मञ्चमा आफु सम्मानित हुन पाउंदा निकै नै खुशी महशुश भएको बताएका छन् । उनले आफ्नो फिल्मी शैलीमा भने -‘राते काइँलेलाई धेरै नै खुशी लागेको छ ।’

२१ वर्ष लामो इतिहास रहेको यस फिल्मी महोत्सवमा पहिलो पटक नेपाली फिल्म समावेश गराउन प्रमुख भुमिका निभाएका यस फेस्टिभलका ग्लोबल लिडर प्रकाश थापाले नेपाली चलचित्रलाई अन्तराष्ट्रिय मञ्चमा पुर्‍याउन फेस्टिभले भुमिका निभाउनेमा आशावादी रहेको बताए ।

फेस्टिभलमा ५ नेपाली फिल्महरु समावेश छन् । जस कुमार राईको ‘स्याक्रिफाइस नेभर डाइज, जोयस पाण्डेको ‘सांघुरो’, नरेश देव पन्तको ‘टाटा बाई-बाइ’, शंकर घिमिरेको ‘तुलसी’ र फुलमान वलको ‘सेलफोन’ चलचित्र महोत्सवमा प्रदर्शन भएका थिए ।

त्यस्तै, कलाकार सुनिल थापासँगै हलिउड कलकार ज्याकी च्यान र मार्टिन सिन, बलिउड संगीतकार-गायक बप्पी लहरी, भियतनामी नायिका किउ चिनलाई पनि सम्मान गरिदैंछ ।

पोइला जान पाम् भन्दै झ्वाक तन्नेरीको खोजीमा रहेकी गायिका कोमल ओलीले आखिर भेटेरै छाडिन् । भनेजस्तो तन्नेरीलाई भेटेपछि उनको कुमारी मनमा काउकुती त लाग्ने नै भयो । यो काउकुतीको चिलाई पनि मनले चिताएको तन्नेरी सामु सार्वजनिक कार्यक्रममै प्रस्ताव गरी मेटाई हालिन् । 

सन्दर्भ हिजैको हो । केही अघिसम्म मुलुकभर एमालेको गुण्डाका रुपमा परिचय बनाएका र सुशील कोइरालाको कार्यकालमा दोश्रो उद्योग मन्त्रीका रुपमा रहेका महेश बस्नेतको आत्मकथा म महेश को विमोचन कार्यक्रमको हो । अतिथीका रुपमा मञ्चमा आशिन अझैसम्म अवीवाहित कुमारी कोमल ओलीले प्रज्ञा भवनको हलमा दर्शक दीर्घादेखि मञ्चसम्म झ्वाँक तन्नेरीको खोजीमा आँखा डुलाईन् । निकै बेरको खोजी पश्चात उनले त्यस्तो तन्नेरी भेट्टाइन् र ढुक्क पनि देखिइन् ।

उनको झ्वाँक तन्नेरीको खोज त टुंगिएको थियो तर प्रस्ताव गर्न भने बाँकि नै थियो । बोल्नका लागि बसेको स्थानबाट ड्यासमा पुग्नासाथ उनले एकपटक फेरी दर्शक दीर्घादेखि मञ्चसम्म नै कौतुहलता पूर्वक आँखा डुलाइन् । अनि बोल्न के शुरु गरेकी थिइन् भनिन् महेश भनेका भगवान् महादेव हुन् । जब म महेश बस्नेतलाई देख्छु म आफूलाई पार्वती सम्झन्छु । यति भनेर लेखक बनेर देखापरेका महेश बस्नेततिर गढेर हेरिन् । महेश पनि साँच्चै जीवनभर खोजिरेहेको पार्वती नै पाए झैं निकै पुलकित मुहार बनाउँदै मुस्काइ रहेका थिए ।

उनको सबैले बुझ्ने प्रस्ताव सुनेर प्रमुख अतिथीका रुपमा उपस्थित एमाले अध्यक्ष केपी ओली, वामदेव गौतम लगायत नेता, कलाकारहरु र दर्शक हल नै थर्कने गरी हाँसे ।

यसबाट थप हौसिएकी ओलीले अगाडि भने भित्री कुरा खोल्दै दुखेसो मिश्रित भावमा भनिन् म महेश बस्नेतसँग पहिलेदेखि नै निकै नजिक छु, किनकि उहाँ झ्वाँक तन्नेरी र म अवीवाहित कुमारी । तर जब म उनीसँग नजिकिन खोज्छु तर उनी भने मलाई देख्नासाथ टाढा टाढा भाग्न मात्रै खोज्ने ।

कोमलको यस्तो भाव विह्वल प्रेम प्रस्ताव सुनिसकेपछि भने केपीले हाँसो थाम्नै सकेनन् । ओलीको खुल्ला हाँसोसँगै फेरी अर्कोपटक प्रज्ञाको हल भवन नै उचालिने गरी उन्मत्त हाँसोले गुञ्जियो । कोमलले थप भन्दै गइन् जहिले म महेशलाई आफ्नो सम्झिएर बोलाउँछु उनी भने सधैं उपाध्यक्षलाई पठाएर मसँग टाढिए ।

अन्तिममा उनको प्रश्न थियो, तर महेशजी तपाईं मबाट कतिञ्जेल सम्म टाढा टाढा मात्र जानुहुन्छ ? आखिर तपाई महेश म पार्वती ।

केपीले महेशको आत्मकथाको विमोचन गरेका थिए । यसमा महेशले उनी एक गुण्डा मात्र हुन् भनी विश्वभरका नेपाली जनमानसमा रहेको मान्यतालाई चिर्ने प्रयास गरेका छन् ।

साउन २८, काठमाडौं - अमेरिका निवासी गायक रामप्रसाद खनालले ज्योती मगरले अभिनय गरेको तीजको म्यूजीक भिडियोमा कमेन्ट गरेपछि, एक अनलाइन न्यूज पोर्टलमा समाचार बन्यो । ढाडे बिरालो बोलको गीत युट्युबमार्फत् सार्वजनिक भएपछि यसका गायक, कलाकार र निर्देशक सबैको आलोचनात्मक चर्चा भैरहेका बेला खनालले मगरलाई सुझावसहित दिएको कमेन्ट समाचार बनेपछि, खनालको पनि आलोचना हुन थालेको छ । 

धेरैले उनको सुझावलाई मननयोग्य भन्दै तारिफ गरेका छन् भने केहीले अमेरिका बसेर पानी माथीको ओभानो बन्न खोजेको भन्दै आलोचना गरेका छन् । खनालले ज्योती मगरलाई ब्लू फिल्म खेल्न जाउ भनेपछि, नेपालमै बसेर नेपाली लोकसंगीतको उत्थानमा लागिपरेका केही सर्जक तथा कलाकारको भने पारो तातेको छ । गीतकार तथा संकलक सुवास रेग्मीले खनालको प्रतिक्रियाप्रति खरो टिप्पणी गरेका छन् । “ज्योती मगरलाई मात्रै तथानाम गाली नगरेकै राम्रो, ज्योती मगर आफैंले त्यो गीत लेखेको र खेलेको होईन । सकिन्छ भने युट्बबाटै गीत हटाउँ न ।” नेपाल रिपोर्टस् सँगको कुराकानीका क्रममा रेग्मीले भने- “उनले अरुले भने अनुसार गरेकी मात्रै हुन् । लेख्ने र निर्देशन गर्नेले यो कुरा बुझ्नुपथ्र्यो ।” 

सुवास रेग्मीले राम प्रसाद खनाललाई लक्षित फेसबुकमा यस्तो लेख्छनः 

लोक दोहोरि गायिका ज्योति मगर को यो गीत कति ले सुन्नु भो ?? कति ले हेर्नु भो ?? रामप्रसाद भन्ने लोक गायक ले अमेरिका बसेर नेपाल का गायक गायिका लाइ यसो गर उसो गर भन्नु भन्दा पैले आफै गरेर अनुजहरु लाइ सिकाएको राम्रो हो । ज्ञानेन्द्र राजा हुदा तलुवा चाटेर नेपाल टेलिभिजनमा मनपरी गरेर लोकतन्त्र को आगमन संगै सरणार्थी जीवन बिताइरहेका राम प्रसाद ज्यु – तागत भए नेपाल आएर गीत गाएर पेट पालेर देखाऊ नत्र चुप लागेको राम्रो // तिम्रा कलम समग्र संगीतको बिकाश र कलाकारको हकअधिकार का निमित्त चलेको भए राम्रो देखिन्थ्यो । 

 छोरीको उमेरको अनुजलाई ब्लु फिल्म खेल्न सुझाब दिनुभन्दा पहिले आफैले त्यो सबै गरेर बाटो देखाइदिने कि ???? तेसो गरे कसो होला ?? यो क्षेत्र गनाउने बनाउनेमा अगुवा हरुको बाटोमा हगुवा प्रवृति पनि दोषी छ – पानि माथिको ओभानो भएको त्यति सुहाउदैन पैले आफैबाट सरसफाई सुरु गरौ // जय गीत जय संगीत //

मलेसियामा कार्यरत नेपाली इन्द्र नारथुङ्गेले आफ्नो फेसबुक स्टटासमा यस्तो लेखेका छन- 

ज्योती मगरले अभिनय गर्दा र स्टेज सोमा प्रस्तुत हुँदा पक्कै छोटो कपडा लाउँछिन् । त्यसलाई नेपाली समाजको एक पुस्ताले अलिक पचाउन सक्दैन । तर नेपालमा ज्योती मगर मात्रै त्यस्तो कलाकार होइनन् । दर्जनौं फिल्ममा दर्जनौं नायिकाहरुले उत्तेजक किस र बेड सिन दिईसकेका छन् । कतिपय फ्लिमको त सम्बाद सुन्दा पनि अपाच्य लाग्छ, जुन सम्बाद नायिकाले बोलेकी हुन्छिन् । 

फेसबुकमै मंगोलियन केटो लेख्छन- 

ज्योति मगरलाई सिधै निलो फिल्म खेल भन्नुको तात्पर्य प्रष्ट पारिदिनु पर्यो रामप्रसाद खनालले । ज्योतिको नितान्त ब्यक्तिगत इच्छा र पेसामा ठाडो हस्तक्षेप गर्ने अधिकार कस्ले दियो रामप्रसाद खनाललाईरु ज्योती लाई कपालमा समाएर घुमाउनु भन्दा अगाडी बिनिता बराल,नम्रता श्रेष्ठ, पुजना प्रधान, रेखा थापा, सुस्मा कार्की जस्ता अरु धेरै ले सेक्स भिडियो बनाउनेहरुलाई उधोमुन्तो पार्न सकेउ भने ज्योतिको बारेमा बोल्नु सुहाउँछ कि ?

लोक गायिका ज्योती मगर गायनभन्दा बढी कामुक नृत्यका कारण विवादमा तानिने गरेकी छिन् । यस पटकको तीजको गीतमा उनको अभिनयलाई लिएर त अमेरिकामा बस्ने एक गायकले उनलाई 'ब्लू फिल्म' खेल्न सुझाव दिए । यतिमात्र होइन्, उनलाई महिलाहरुले कुटेको हल्लाले पनि बजारमा स्थान पायो । उनको पछिल्लो गीतको भिडियोमा उत्पन्न विवादपछि नेपालीपत्रसँग भनिनः 

तपाईंले अभिनय गरेको तीजको म्युजिक भिडियो ब्यापक हिट भयो र विवादित पनि । कस्तो रेस्पोन्स आएको छ ?
- रेस्पोन्सहरु धेरै आए । कति राम्रा, कति त नराम्रा पनि । तर, भिडियो एकदम हिट भएको छ । नेपालको इतिहासमै यो पहिलो घटना हो कि, सबैभन्दा बढी बढी (पाँच लाख ) दर्शकले हेरेको म्युजिक भिडियो भएकाे छ । यसर्थ पनि खुसी लागेको छ ।

मन पराउने भन्दा धेरैले आलोचना पो गरे नि, होइन ?
- हेर्नुस् । सबैको हेर्ने आँखा हो । 'फूलको आँखामा फूलै संसार...' उहाँहरुले कसरी हेर्नुभयो उहाँहरुकै कुरा हो । यसमा भिडियोको दोष छैन । उहाँहरुले हेर्ने आँखाकै दोष हो ।

भिडियोमा अश्लीलता प्रदर्शन गरेको भन्दै तपाईंमाथि महिलाहरुले नै कुटपिट पनि गरे भन्ने खबर आयो । कसले पिट्यो ?
- यो हल्ला कहाँबाट कसरी आयो सोच्दै छौं हामी । र यो हल्लाले मेरा वास्तविक फ्यान/शुभ-चिन्तकहरुमाथि पनि चोट पुगेको छ । यही हल्लाको विषयलाई लिएर हामी 'साइवर क्राइम' विरुद्धको मुद्धामा जाने तयारीमा छौं ।
तीजको माहोलमा तपाईँहरुको विभिन्न ठाउँमा स्टेज शो गर्नुपर्ने होला । तपाईँ मुद्धा मामिलामा जाने कुरा गर्दै हुनुहुन्छ । कसरी सम्भव छ यो काम ?
 - होइन । हामी जान्छौँ । फेसबुकहरुमा, विभिन्न साइटमा गलत प्रचार भएको छ । कसैको बाउले केही गर्न सक्दैन । हामी 'साइबर क्राइम'मा जान्छौं । 

गीत धेरैले हेरुन् भनेर योजनाबद्ध रुपमा गरिएको फण्डा त होइन ?
  - त्यस्तो होइन । त्यसतो योजानाबद्ध तरिकाले आएको होइन । त्यसो त, यो मेरो गीत पनि होइन । प्रकाश कट्वाल, श्रीदेवी देवकोटा र निर्देशक शंकर विसीले मसँग काम गर्ने इच्छा देखाउनुभयो । मैले स्विकार गरेको मात्रै हो । मैले त भिडियोमा अभिनय र नाच मात्रै गरेको पो हो ।  र भिडियो हेर्दा त्यहाँ प्रयोग भएको लिरिक्समा ध्यान दिनुपर्‍यो नि पहिले । गीत अनुसारको दृश्य पो गरिएको हो त ।  सोच्न सक्ने दिमाग नै छैन उहाँहरुसँग (आलोचना गर्नेहरुसँग) । 'जामा लाउँदा छोटो भयो, सारी लाउँदा सुहाएन, उखरमाउलो वैंश छोप्ने चिजै भएन' भन्ने शब्द गीतमा छ । त्यसको लागि दृश्य पनि त त्यस्तै चाहियो नि । त्यही शब्द जस्तै भिडियो बनाउने त हो नि । यो मेरो 'फस्ट एण्ड लास्ट' भिडियो पनि हुनसक्छ । अब सायद अरु कसैको भिडियोमा अभिनय नगर्न सक्छु । म आफैँ गाउँछु, र अभिनय पनि गर्छु ।
 

तपाईँको भिडियो हेरेर पुराना गायक रामप्रसाद खनालले तपाईँलाई 'ब्लू भिडियो' खेल्न सुझाव दिनुभएको छ । तपाईँको उत्तर के हो ?
-मलाई थाहा छैन के हो 'ब्लू फिल्म' भनेको । र अहिलेसम्म हेरेको पनि छैन । उहाँलाई थाहा रहेछ । पहिले उहाँ आफैँले 'ब्लू फिल्म' खेलेर देखाउनुभयो भने राम्रो हुन्थ्यो । त्यसपछि सोच्न सक्थेँ । पहिले उहाँले नै ब्लू फिल्म बनाउनु भए राम्रो हुन्थ्यो ।
  उहाँको सुझाव एकदम बकवास हो । जसले माया गर्दैन उसलाई गाली गर्ने अधिकार पनि छैन ।
   

कतिपय अपरिचित व्यक्तिहरुले भिडियो हेरेर सेक्स प्रस्तावहरु गरेनन् ? 
  - हा.हा...., हिम्मत पनि हुनुपर्‍यो नि । ज्योती मगरलाई त्यस्तो प्रस्ताव गर्ने हिम्मत कसको होला !


विस्तृतमा रामप्रसादले के लेखेका थिए । पढनुस् 

* के कलाकार भनेको "देखाउने" मात्र हो ?? कलाकारको अनुशासन, मर्यादा हुँदैन ??

* यस्ता उत्ताउला उत्ताउली लाई हाइ लाइट गर्ने, चर्चामा ल्याइदिने मिडिया र मिडिया कर्मीहरु के तपाईंहरु ठीक गर्दै हुनुहुन्छ ?? 

ज्योति मगर, ब्यक्तीगत रुपमा उनलाई जे मन लाग्छ गरुन, त्यो उनको स्वतन्त्रता र अधिकार हो तर यि "उत्ताउली" नानीले केही समय यता लोक गीत दोहोरी गीत क्षेत्रको नराम्रो सँग बेइज्यत गर्दैछिन । धेरै पटक यिनका उत्ताउला र सीमा नाघेका गीत भिडियो सुने पछी हेरे पछी मन अमिलो भएर आउंथ्यो, लेखौँ लेखौँ लागेर पनि भैगो "गु लाई चलाई मुख भरी छिटा" किन गराउनु भन्दै चुप लागि बसेँ । तीन दिन देखी उनको बारेमा अनलाइनहरु फेसबुक र ट्विटर अनी यु ट्युब मा अाइरहेका प्रतिकृया हेरे पछी मलाई निम्न कुरा भन्न मन लाग्यो रिसानी भए पनि मलाई कुनै गुनासो हुने छैन :

१- लोक गीत र दोहोरी गीत, तीज गीत भनेको हरेक नेपालीको मन हो, मुटु हो ज्योति तिमी यो क्षेत्रको लागि अनुपयुक्त छौ । यो पवित्र क्षेत्रलाई तिम्रो नग्नता र उत्ताउलो पनले दुसित पार्ने ध्रिस्ठता नगर । चर्चा कमाउनकै लागि हो भने, देखाएकै भर मा हिट हुने भुत चढेको हो भने, तिमीलाई "निला फिल्म" खेल्दा चर्चित हुन झन छिटो होला बरु त्यतै लाग्छेउ कि नानी !

२- हाम्रा अग्रजहरुले, हामीहरु सबैले, कल्पना गरेको, दु:ख गरेको, लागेको लोक दोहोरी क्षेत्र ज्योतीको "देखाउने" क्षेत्र होइन । ज्योति नानी तिमी लोक दोहोरीको नाम लिएर यसलाई बिटुल्याउने काम नगर । तिम्रा बाबु आमा दाजुभाइ दिदी बहिनी वा कोही आफन्त जन सँग सँगै बस, तिम्रै उत्ताउलो पना हेर, देखाउ अनी वहाँ हरुलाई सोध, तिम्रो अन्तर मन लाई सोध, के तिमी ठीक गर्दैछौ ??

३ - म्युजिक नेपाल प्रती म अती सम्मान गर्दछु । म्युजिक नेपाल हामी सबै नेपाली कलाकारको माइती हो, मावली हो, कर्म घर हो, सङ्रालय हो जहाँ बाट मेरा पनि थुप्रै गीती एल्बम सिडी भिसिडी डिभीडी प्रकाशित भएका छन । यस्तो सम्मानित संस्थाले "ढाडे बिरालो" नाम को बिक्रिती को पराकाश्ठ तिज गीत र उत्ताउली ज्योति मगरको नग्न नाच बेच्ने भएछ !!! आस्चर्य लाग्यो । म्युजिक नेपालले यसमा पुनर्बिचार गरोस् । 

४- ज्योति मगरका लागि यो गीत लेख्ने गीतकार, गाउने गायक गायिका, भिडियो निर्देशन गर्ने निर्देशक सबैलाई म बिनम्रता पूर्वक अाफ्ना आमा बाबु श्रीमती छोरा छोरी र आफन्तजन सँग सँगै बसेर यो ढाडे बिरालो र ज्योतिको नाँगो नाच हेर्न चुनौती दिन्छु, सक्नुहुन्छ तपाईंहरु ?? 
५ - मगर र गुरुङ जाती नेपाली लोक सन्स्क्रितीका खानि हुन, म उनिहरुलाई अती उच्च सम्मान गर्दछु । मगर थर कि उत्ताउली यि ज्योति नानीलाई तपाईंहरुले पनि खबरदारी गर्ने कि ! 

५- लोक गीत, दोहोरी गीत क्षेत्रमा ज्योति नानी मात्र एक्लै छैनन यसमा सहायक अरु पनि छन । जसले चर्चा कमाउनकै लागि लोक दोहोरी क्षेत्रको मर्यादा बिर्सिन थालेका छन । उल्टा सिधा गीत गाएर, मोडलिङ गरेर हिट हुने सपना साँच्दैछन । तिनका नक्कल, पहिरन, बोली भाषा, स्टाइलहरु देख्दा आची गर्ने लाई भन्दा देख्ने लाई लाज भने जस्तो हुन्छ किन बुझ्दैनन उनिहरु ?? 

६ - दर्शक श्रोता हामी सबै कलाकारका न्यायाधिश हुन, अब दर्शक श्रोताले पनि यि " देखाउन " आउने " हरु लाई छि छि र दुर दुर गरिदिनुपर्‍यो ।

७ - कलाकार सँग सम्बन्धित संघ संस्थाहरु सबैले सोच्नु पर्‍यो, के कलाकार भनेको "देखाउने" मात्र हो ?? कलाकारको अनुशासन, मर्यादा हुँदैन ?? 

८ - राष्ट्रिय लोक तथा दोहोरी प्रतिस्ठान यसमा अझ बढी सक्रिय हुनुपर्‍यो । यो क्षेत्रलाई बदनाम हुन बाट बचाउन एउटा आचार सँहिता बनाउनुपर्‍यो । नत्र हाम्रो क्षेत्र धराशायी हुने छ । मलाई आशा छ म लोक दोहोरी को क्षेत्रमा सक्रिय रहेका बेला म सँग सहयोगी का रुपमा सँगै काम गरेका भाई बहिनीहरु अहिले प्रतिस्ठानको नेत्रित्वमा हुनुहुन्छ, वहाँहरुले केही न केही पक्कै गर्नुहुने छ भन्ने मैले आशा राखेको छु । 

९ - अन्त्यमा मिडिया र पत्रकारहरु सँग पनि गुनासो : यस्ता उत्ताउला उत्ताउली लाई हाइ लाइट गर्ने, चर्चामा ल्याइदिने मिडिया र मिडिया कर्मीहरु के तपाईंहरु ठीक गर्दै हुनुहुन्छ ?? अशल कलाकार, अनुशासित र मर्यादित कलाकार लाई कहिलै हाइलाइट गरिन्छ मिडियामा ?? योगदान को चर्चा हुन्छ मिडिया मा ?? कृपया गलत सँस्कार लाई प्रश्रय नगरौँ ।

स्पस्टोक्ती : यि उत्ताउली र यो गीत मा संलग्न उत्ताउलाहरुको यो भिडियो यहाँ शेयर गर्न पटक्कै मन छैन तर यत्रो भूमिका लेखिसकेपछी यही भिडियो यहाँ नराखे पाठकलाई बुझाउन नसकिने भयो त्यसैले यो उत्ताउलो भिडियो पनि यहाँ राखिएको हो बुझिदिनुहोला । यस पछी ज्योति पनि सहि बाटोमा आउन, यो गीत गाऊने, लेख्ने, अभिनय गर्ने, निर्देशन गर्ने सबैका आँखा खुलुन दर्शकले पनि जजमेन्ट गरुन भनेर माथिको यो स्टाटस लेखिएको हो । धन्यवाद