नेपालमा यौनका विषयमा खुलेर कुरा गरिंदैन । यौनका बारेमा जति चर्चा गरिन्छ, वा त्यसलाई असाध्यै जटिल वनाईन्छ, या अति नै हलुका । फलस्वरुप यो कतिपयका लागि चर्चा गर्न अयोग्य विषय भएको छ भने धेरैका लागि अतिरञ्जनको विषय । फ्रायडले धेरै अघि मानिसका सबैजसो क्रिया यौनमा आधारित हुन्छ भन्ने ब्याख्या गरिसक्दा पनि फ्रायड पढेका नेपाली बौद्धिक वर्गले पनि यसलाई स्वीकार्न सकेका छैनन् । यो गम्भीर विषयमा मनोविज्ञ करुणा कुँवर भने प्रष्ट छिन् ।
१२ बर्षदेखि मनोविज्ञान त्यसमा पनि पारिवारिक तनावका विषयमा अध्ययन – अनुसन्धान गरिरहेकी करुणा नेपालीको यौन मनोविज्ञान जटिलतातर्फ उन्मुख हुँदै गएको स्वीकार गर्छिन् । नेपालीहरुको यौन ब्यवहार एवम् त्यसले सृजना गरिरहेको तनावले धेरै युगल जोडीहरुको वैवाहिक सम्बन्ध टुट्दै गएको उनको अनुसन्धानले देखाएको छ । जर्मन मनोवैज्ञानिक दोरोभि वेनरकी खास शिष्या करुणासँग नेपालीहरुको यौन मनोविज्ञानका विषयमा गरिएको कुरा । तपाईलाई फेमिली थेरापिष्ट भन्दा रहेछन्, *मनोबिज्ञानभित्र फेमिली थेरापी काँहा पर्दोरहेछ ? – मनोबिज्ञान बृहत बिषय हो । संसारमा भएका सबै परिवर्तन मानव मनोबिज्ञानद्धारा सम्भव भएको हो भन्दा फरक पर्दैन । त्यही मानवको एउटा महत्वपूर्ण पाटो उसको परिवार हो । एउटा मानिसको मनोबिज्ञानले परिवारमा कसरी समस्या आउँछ र त्यसलाई कसरी समाधान गर्ने भन्ने बिषय फेमिली थेरापी अन्तर्गत पर्दछ । अर्थात तपाईको परिवारका सदस्यमा कुनै समस्या छ भने त्यो समस्याको समाधान फेमिली थेरापिस्टले गर्न सक्दछ । तपाईसँग उपचारका लागि धेरै जोडी आउने गरेको थाहा पाएँ, जोडीका मुख्य समस्याहरु के के रहेछन् ? – पुरुष होस् या महिला, सुरुमा उँहाहरु आफ्नो पार्टनरको फलानो स्वभाव ठीक छैन, चिलानो ब्यवहार ठीक गर्देनन् भनेर समस्या लिएर आउँछन् । कुरा गर्दे जाँदा मुल कुरा सेक्समा गएर अड्किन्छ । अर्थात् कुनै पनि युगल जोडीमा केही समस्या छ भने कुनै न कुनै रुपमा त्यो समस्याको जड सेक्स सम्बन्धी उनीहरुको धारण र ब्यबहारमा प्रकट हुने गरेको मेले पाएँ । सेक्सकै कारण समस्या आएको जोडी कति पाउँनु भयो ? प्रतिशतमा भन्न सकिन्छ ? ९९ प्रतिशत । कुनै जोडी प्रारम्भदेखि नै खुसी छैनन्, वास्तवमै उनीहरुको विवाह इच्छा बिपरीत भएको थियो भने बेग्लै कुरा हो, नत्र पछी यूगल जोडीमा जति समस्या आउँछन् त्यमा कुनै न कुनै रुपमा यौन जोडीएकै हुन्छ । विश्वस्तरका अध्ययनले पनि यही भन्छ । मेरो प्रक्टिसमा पनि यही पाएकी छु । केही उदाहरण दिन सकिन्छ ? – धेरै जोडी विवाहको ५–७ बर्ष पछि म कहाँ समस्या लिएर आउँछन् । त्यो बेला उनीहरुको सम्बन्ध लगभग टुटिसकेको हुन्छ । एक अर्कामा दोषारोपण गर्दा उनीहरु घर ढिला आउने, रक्सी खाने, समय नदिने अथवा श्रीमतीले किचकिच गर्ने, अनावश्यक खर्च गर्ने भनेर दोष लगाउने गर्दछन् । तर विवाहको पहिलो बर्ष त्यही ब्यबहार किन नराम्रो लागेन ? भनेर प्रश्न गरो भने उनीहरु मौन रहन्छन् । पहिलो बर्ष उनीहरुलाई त्यही ब्यबहार नराम्रो लाग्दैन, कारण उनीहरुको यौन सम्बन्ध त्यसबेला अहिलेको तुलनामा धेर्रै राम्रो हुन्छ । त्यो बेला एक अर्कालाई समय दिएका हुन्छन्, उनीहरुको रुप र ब्यक्तित्वको बखान भएको हुन्छ । जसै विवाह पुरानो हुदै जान्छ, ती कृयाकलापमा कमी आउँछन्, अनि सम्बन्ध बिग्रन थाल्छ । नेपालीको यौन कृयाकलाप कसरी हँदोरहेछ, समस्या के पाउनुभयो ? – सामान्यतया नेपालीलाई सेक्स गर्न आउँदैन । सेक्स भन्ने वित्तिकै नेपालीको मनमा पुरुष लिङ्ग महिलाको योनीमा प्रवेश गर्ने भन्ने कुरामा मात्र फोकस हुन्छ । जब कि यौनमा त्यो अन्तिम कुरा हो । त्यस अघि धेरै भन्ने कुरा, ब्यवहार गर्नै कुरा, आकर्षण गर्नेकुरा यौनभित्र पर्दछन् । त्यसबारे धेरैले ध्यानै दिदैनन् । मुख्य कुरा सेक्समा पुरुष हाबी हुने गरेका छन् । अनि महिलाले पनि पुरुषका लागि आफूले सेक्रिफाइस गरेको ठान्दछन् । समस्या त्यहींबाट सुरु हुन्छ । वास्तवमा सेक्स कस्का लागि, केका लागि भन्ने कुरामा हामी प्रस्ट छैनांै । नेपाली महिलाहरु सेक्समा रमाउँन नसक्नुको कारण के पाउँनु भयो ? – उनीहरुलाई सानैदेखि कुनै न कुनै रुपमा सेक्स खराब कुरा हो भनेर सिकाइएको हुन्छ । विवाहअघि सेक्स गर्न हुदैन, परपुरुष सँगको सम्बन्ध पाप हो, पुरुषहरुको काम नै महिलालाई भोग्ने हो भन्ने जस्ता कुरा सुन्दा– सुन्दा सेक्स मेरो पनि आवश्यकता हो, त्यसमा मेरो पनि सक्रिय सहभागिता हुनुपर्छ भन्ने कुरा नै ओझेलमा पर्छ । पढेलेखेका महिलाहरुलाई सेक्सको बारेमा धेरै ज्ञान छ भन्ने लाग्न सक्छ, तर अचेतन मनमा गढेका यस्ता कुराले उनीहरु खुलेर रमाइलो गर्न सक्दैनन् । तपाइले कतिपय महिलाहरु सेक्सको बेला नाङगै हुन सक्दैनन् । बत्ति बालेर सेक्स गर्न मनन्दैनन् भन्ने सुन्नु भएको होला ।

परराष्ट्र मन्त्रालय अन्तगर्त राहदानी विभागले जरुरी सूचना प्रकाशित गर्दै आगामी मंसिर ८ गते पछि हस्तलिखित राहदानी नचल्ने भन्दै तत्काल एमआरपी बनाउन अनुरोध गरेको छ ।


देशभित्र र विदेशमा रहेका नेपालीहरुलाई एमआरपी बनाउन अनुरोध गरेको राहदानी विभागले विदेशमा हस्तलिखित राहदानीमा रहेका आफन्तजनहरुलाई नेपाली राजदूतावासहरुमा सम्पर्क गरी एमआरपी बनाउनको लागि जानकारी गराउनु हुन समेत अनुरोध गरेको छ ।

सूचना यस्तो छः
राहदानी विभागको अत्यन्त जरुरी सूचना
यही नोभेम्बर २४, २०१५ (तद्नुरुप २०७२ मंसिर ०८ गते) पछि सम्पूर्ण हस्तलिखित राहदानीहरु नचल्ने (मान्य नहुने) भएकोले जतिसक्दो छिटो MRP बनाउनु हुन सम्बद्ध सबैमा हार्दिक अनुरोध गरिन्छ । साथै विदेशमा हस्तलिखित राहदानीमा रहेका आफन्तजनहरुलाई नेपाली राजदूतावासहरुमा सम्पर्क गरी MRP बनाउनको लागि जानकारी गराउनु हुन समेत अनुरोध गरिन्छ।

बसभित्रै शौचालयको सुविधा भएको स्तरीय पर्यटकीय बस नेपाली बजारमा भित्रिएको छ ।
विगत छ वर्षदेखि पर्यटक बस सञ्चालन गर्दै आएको डेविट टुर्स एन्ड ट्राभल्सले दुईवटा आधुनिक सेवासहितको बस भदौको दोश्रो हप्तादेखि सञ्चालनमा ल्याएको हो । तीसजना यात्रु क्षमता भएको बस हाल पृथ्वी राजमार्गअन्तर्गत काठमाडौँ–पोखरा रुटमा चलेको ट्राभल्सका सञ्चालक दीपक भट्टराईले जानकारी दिए । हालसम्म काठमाडौँ–पोखरा बाटोमा चल्ने सामान्यखालका पर्यटकीय सवारी साधन चले पनि यो बसमा शौचालयका लागि बाहिर जान झन्झट गर्न नपर्ने सञ्चालक भट्टराईले बताए । उनले भने –“निःशुल्क वाइफाई, पानी, पत्रपत्रिका र फोल्डिङ सिट रहेकाले आरामदायी यात्रा गर्न सकिन्छ ।” स्विस प्रविधिबाट निर्माण गरिएका ती बस भारतबाट खरिद गरेर नेपाल भित्र्याएको उनले जानकारी दिए । लामो दूरीको यात्राका लागि बस अत्यन्त प्रभावकारी हुने सञ्चालक भट्टराईले बताए । शौचालयको सुविधा भएको यो बसको काठमाडौँदेखि पोखरासम्मको भाडादर रु एक हजार तोकिएको र सहुलियत कार्ड लिने यात्रुलाई केही सस्तो सेवा प्रदान गर्ने ट्राभल्सले जनाएको छ । आधुनिक समयको माग अनुसार आयात गरिएको सो पर्यटकीय बसको मूल्य रु ८० लाख देखि ९० लाख सम्म पर्ने सञ्चालक भट्टराईले बताए । रासस

काठमाडौं, भदौ १६ । नक्कली नोट बनाउने तथा कारोबार गर्ने गरेको आरोपमा नुवाकोटका २० वर्षीय दीपक न्यौपानेलाई प्रहरीले पक्राउ गरेको छ ।

महानगरीय प्रहरी परिसर टेकुले बुधबार पत्रकार सम्मेलन गरी उनलाई सार्वजनिक गरेको हो । गोंगबु बसपार्क क्षेत्रबाट १ हजार दरका ८० थान र नेपालटारस्थित न्यौपानेको कोठाबाट १ हजार दरका ५५ थान नक्कली नोट र १३ ओटा नक्कलीनोट छाप्न ठिक्क पारिएका कागजसहित न्यौपानेलाई पक्राउ गरेको प्रहरीले जनाएको छ ।

अभियुक्त न्यौपानेले १६ हजार बराबरको नक्कली नोट बजारमा पठाइसकेको पनि प्रहरीले जनाएको छ ।

नेपालटारस्थित ग्रामीण आर्दश कलेजमा स्नातक पहिलो वर्षमा अध्यनरत न्यौपाने बाफलस्थित प्राइम लाइफको वैदेशिक रोजगारी म्यादी जीवन बिमामा काम गर्ने र सोही स्थानमा नोटहरु फोटोकपी गरी नक्कली नोट बनाउने गरेको प्रहरीले जनाएको छ ।

अभियुक्तको अफिसबाट नक्कली नोट बनाउने फोटोकपी मसिन र त्यसमा प्रयोग हुने अन्य सामाग्रीहरुसमेत प्रहरीले बरामद गरेको छ ।

काठमाडौं, भदौ १६ । जनजाति महासंघका पूर्वमहासचिव आङकाजी शेर्पालाई प्रहरीले बुधबार पक्राउ गरेको छ ।

सामाजिक सन्जालमा सामाजिक सद्भाव बिथोल्ने किसिमका सामाग्रीहरु सम्प्रेषण गरेको अभियोगमा उनलाई पक्राउ गरिएको प्रहरीले जनाएको छ ।

महानगरीय प्रहरी अपराध महाशाखाको टोलीले शेर्पालाई बौद्धबाट पक्राउ गरेको जनाइएको छ ।

शेर्पाले गृहमन्त्री बामदेव गौतमलाई फाँसी दिने र सभासदहरुलाई संविधानसभाभित्रै जलाउने धम्कीसहितको फेसबुक स्टाटस लेखेको बुझिएको छ ।

शेर्पालाई टेकुस्थित महाशाखामा राखेर अनुसन्धान गरिरहेको 

काठमाडौं । कसैलाई के को धन्दा, घर ज्वाईलाई खानको धन्दा भन्ने उखान झैं गुण्डाका नाईके आफ्नो क्षेत्राधिकार बढाउन लागेका छन् । कारण गुण्डाका नाईकेहरुलाई आफ्नो क्षेत्राधिकार बढाउन सकिए ठूलै जित भएको भान हुने गरेको छ । ठमेलमा राज गर्ने राजिव गुरुङ उर्फ दिपक मनाङ्गे र चक्रपथ क्षेत्रका गुण्डाका राजा मिलन गुरुङ उर्फ चक्रे अहिले आफ्नो असुली क्षेत्र बिस्तार गर्न सक्रिय भएका छन् । सोही क्रममा डनद्धयले अहिले ललितपुर जिल्लामा आफ्नो सञ्जाल फिजाउन थालेका छन् ।
ललितपुर क्षेत्रमा ढुंगाखानी, क्रसर, ईट्टा उद्योग जस्ता आयस्रोतका बाटोहरु प्रचारमा आउन थालेपछि उनीहरुको आ“खा त्यता परेको हो । ललितपुरमा आफ्नो सञ्जाल विस्तार गर्न मनाङ्गेले प्रकाश माली नाम गरेका युवाको नेतृत्वमा एक दर्जन युवा परिचालन गरेको स्रोत बताउ“छ । जसमा युबराज खड्का, सुरेश लामा, ललितपुर चौघरेका दयाराम महर्जन, पूर्ब सेनाका हवल्दार चुडाबहादुर कार्कीलगायत रहेको एक बताइएको छ । अहिले मनाङ्गेको ललितपुर समूहमा सामेल भएका युबराज खड्का अर्का गुण्डाका नाईके बाहुनका खास सहयोगी हुन् भने प्रकाश माली मिनकुष्ण महर्जनका । बाहुन जेल र महर्जन राजनीतिमा सक्रिय भएपछि उनीहरुका केटालाई मनाङ्गे र चक्रेले परिचालन गर्न थालेका हुन् । चक्रेले ललितपुर कब्जा गर्न दिपक तालुलाई अगाडि सारेका छन् भने तालुले ललितपुरकै राजु बोगटी, उत्तम महर्जन, निरोज महर्जन, सरोन श्रेष्ठ, बिनोद महर्जन, बिकाश कार्की, उमेश मल्ल, भोला खड्काको सहयोगमा डनगिरी चलाउन थालेका छन् । मितेरी ट्राभल्सका सञ्चालक शेखर गुुरागा“ईलाई अपहरण गरी फिरौती लिएको अभियोगमा बोगटी, उत्तम र खड्का जेल जीबन बिताएर छुटेका अभियुक्त हुन् । अहिले यिनैको साथ लिएर ललितपुर कब्जा गर्ने सपना चक्रेले देखेका छन् । मनाङ्गे समूहले त गत महिना ललितपुरको ढा“टको ठेक्का समेत हाता पारिसकेका छन् । जिल्ला बिकाश समितीबाट आह्वान भएको उक्त ढुवानी कर उठाउन मनाङ्गे समूहले ठेक्का हात पारेको हो । तर सम्झौता भने हुन सकेको छैन् । जिबिसले दुई करोडमा आह्वान गरेको ठेक्का प्रकाश माली नेतृव्वकोे समूहले ६ करोड हालेको थियो । तर जिबिसको नियम अनुसार डिपोेजिट गर्ने रुपैंया नभएपछि उनीहरुले ठेक्का सम्झौंता भएको छैन । जसका कारण व्यबसायीले काम गर्न पाएका छैनन् । प्रकाश माली पैसा माग्न मनाङ्गेको घरमा पटक–पटक गएपनि मनाङ्गेले पैसा भने दिएका छैनन् । उक्त काम घाटा हुने भन्दै मनाङ्गे पन्छिन थालेका छन् । तोकिएको समयमा सम्झौंता नगरे डिपोजिट जफत भई ठेक्का रद्ध हुनेछ भने पुनः टेण्डर आह्वान गर्नु पर्ने कानूनी प्राबधान छ । तर दुई महिना बितिसक्दा पनि जिबिसले उक्त प्रक्रिया अगाडी बढाएको छैन । जसका कारणले जिबिसमा ठूलै सेटिङ भएको आंशका गरिएको छ । उता बिबादास्पद ठेकेदार सानु लामाले फेरि मनाङ्गे र चक्रे जुदाउने योेजना बुनेका छन् । आपराधिक पृष्ठभूमिबाट ठेकेदार बनेका लामाको ललितपुर जिल्लाभरी नै हालीमुहाली चल्ने गरेको छ । लामाले ललितपुरमा चक्रे र मनाङ्गेले राज गर्ने भए भन्दै भित्रभित्रै उनीहरुलाई धपाउने योजना बुन्न थालेको स्रोत बताउ“छ । दिपक मनागे यसो भन्छन हेर्नुहोस