पूज्यनीय बुवाआमा, सादर नमस्कार ! यहाँ म बाँचेकै छु । र, हजुरहरूको कुशल–मंगलताका लागि श्री पशुपतिनाथसँग प्रार्थना गरिरहेकी छु । हजुरहरूलाई धेरै दिन ढाँट्न राम्रो हुँदै होइन । त्यसैले मैले आज मन बाँधेर कलमको सहारामा आँसुले यो पत्र लेख्दै छु ।
पूज्यनीय बुवाआमा ! मैले अनेक सपना साँचेर घर छाडेँ, यो खाडी मुलुकमा आइपुगेँ । यहाँ आउनुको एउटै उद्देश्य थियो– काम गरेर पैसा कमाउनु । पैसा कमाएर के गर्ने ? सपना अनेक थिए– धनी हुने, घर बनाउने, जमिन किन्ने, दोकान गर्ने, राम्रो लगाउने, मीठो खाने, नयाँ जिन्दगी सुरु गर्ने, कुनै असल केटाको नजरमा पर्ने, सुन्दर भविष्य बनाउने, आफूले पढ्न नपाए पनि छोराछोरीलाई पढाउने र बुवाआमालाई पनि सुख दिने । गरिबकी छोरीको सपना कति नै ठूला हुन्छन् र ? Sarita आज म त्यो निर्दोष बालपन सम्झन्छु । म स्कुलको दैलो भएर मेलापात जान्थेँ । अरु विद्यार्थी कलम समाइरहेका हुन्थे, मेरो हातमा कुटो–कोदालो हुन्थ्यो । स्कुलको आँगनमा अरु विद्यार्थी राष्ट्रियगान गाएर उभिन्थे, म घरको आँगनमा रोएको भाइलाई बोकेर उभिन्थेँ । तपाईंहरूले स्कुल पठाएकै हो । तर, स्कुल गएर के खाने ? घरको उब्जनीले तीन महिना खान पुग्दैनथ्यो । हजुरहरूले दुःख गरेको देख्दा मेरो कलिलो मन भाँचिन्थ्यो । त्यसैले दुई दिन स्कुल जान्थेँ, चार दिन मेलापात । दुई कक्षामा दुईपल्ट, तीन कक्षामा तीनपल्ट फेल भएपछि हलक्कै बढेँ । त्यसपछि स्कुल जान लाज लाग्ने भइहाल्यो । गरिबका छोरी हलक्कै बढ्नु पनि दुर्भाग्य नै रहेछ । मैले सोचेकी थिएँ– यहाँ आएर काम गर्छु, पैसा कमाउँछु, यहाँ काम गर्न पैसा कमाउन कुनै गाह्रो नहोला । तर, सोचेजस्तो कहाँ हुन्छ र ? आएको केही महिना त काम राम्रैसँग चलेको थियो । काम पनि त्यस्तै थियो । मजस्ती अनपढले कस्तो काम पाउँथे र ? जे गर्छु भनेर आएकी थिएँ, त्यही काम पाएकी थिएँ, मालिकको घरको काम– सरसफाइ गर्ने, खाना बनाउने, भाँडा माझ्ने, यस्तै–यस्तै । सुरुसुरुमा तलब पनि समयमै आउँथ्यो र घरमा पठाउँथे । घरमा पैसा पठाएको रात यति खुसी लाग्थ्यो कि ननिदाएरै सपना देख्थेँ । तर, यो खुसी धेरै दिन टिक्न पाएन । दिन बित्दै गयो र मेरो दुई वर्षको भिसा पनि सकियो । म दुई वर्षमै घर फर्कन चाहन्नथेँ, यहाँ आउँदा लागेको ऋण पनि तिरिएको छैन, यति छिटै घर फर्केर के गर्नु ? मैले भिसाको म्याद थप गर्न मालिक्नीसँग अनुरोध गरेँ । भिसा थप्ने कुरा गर्दागर्दै आधा वर्ष कटाइदिए । त्यसपछि मेरो बसाइ गैरकानुनी हुन पुग्यो । भिसा सकिएपछि मेरो तलब पनि रोकियो । घरमा मालिक्नी नहुँदा मालिक मेरो ओछ्यानसम्म आइपुग्थ्यो । मालिक–मालिक्नी दुवै नहुँदा उनीहरूको छोरो आउन थाल्यो । मलाई जेल हाल्ने धम्की दिँदै मेरो शरीरसँग खेल्न थाले । कति रोएँ, कति कराएँ, तर यो बिरानो भूमिमा मेरो चित्कार सुन्ने को नै छ र ? मालिक र मालिकको छोराको मन फर्किएन । उनीहरूले एउटी नारीमा आफ्नो छोरीचेलीको अस्तित्व देखेनन् । म लुटिँदै गएँ, लुटिनु मेरो विवशता थियो । नलुटिनुको विकल्प आत्महत्या थियो, जो म सोच्नसम्म सक्दिनँ । मेरा बुवाआमा ! एउटी छोरी एक्लै र एकान्तमा लुटिन्न, एउटी छोरीसँगै सिंगो संसार लुटिएको हुन्छ, यो संसारमा छोरी मान्छे कहाँ हुँदैनन् र ? एक दिन अचानक म बिरामी हुन पुगें । सुरुमा अलिअलि ज्वरो आएको थियो । ज्वरो आए पनि घरको काम त जोतिनैपथ्र्यो । हे मेरी आमा, म बिरामी हुँदा तिमीले मेरो कति स्याहार गथ्र्यौ । आफूहरूले मकैको च्याँख्ला खाएर मलाई चामलको भात खुवाउँथ्यौँ । बाबा, तिमीले अनेक जडीबुटी बटुलेर खुवाउँथ्यौ । यहाँ म एक दिन ज्वरोले ढलेँछु । ब्युँझँदा हस्पिटलमा थिएँ । हस्पिटलमा बत्ती बलिरहेको थियो । मालिक्नी मेरो आडैमा थिइन् । तर, उनको अनुहार अँध्यारो थियो । किनभने, म दुईजिउकी भएँछु । भोलिपल्ट मलाई मालिक्नीले आफ्नो घरमा लगिन् । त्यसको केहीबेरमै मलाई पुलिस लिन आइपुग्यो । किनकि, मेरो भिसाको म्याद सकिएको थियो । यो सब मालिक र मालिकका छोराको चाल हुनुपर्छ । म गर्भवती भएपछि उनीहरूले मलाई धपाउन चाहन्थे । पुलिसले मलाई जेल हाल्यो । आज म अदालतमा बयान दिन जाँदै छु । बयान दिनुअघि यो पत्र लेखेँ । हुन त थाहा छैन, यो पराईभूमिमा ममाथि के–कस्ता अभियोग लगाइएका छन्, लगाइने हुन् । तर, अदालतले न्याय दिन्छ भन्छन् । न्याय दिएछ भने, हाम्रो भेट हुने नै छ । अँ सुन्नुस् त, माहिली बहिनी पनि विदेश आउन रहर गरेकी छे । उसलाई रोक्नू । बहिनी ! जति दुःख गर्नुछ, आफ्नै माटोमा गर्नु, बलात्कृत नै हुनु परे पनि आफ्नै माटोमा हुनु, मातृभूमिले त एक दिन न्याय कसो नदेला र ? हे मेरा बुवाआमा, अहिले कलम बन्द गर्छु । आशा गरेकी छु, दुनियाँमा न्याय मरेको छैन । न्याय पाएर एकपटक हजुरहरूको स्पर्श पाउनेछु । उही हजुरहरूकी अभागी छोरी रामकुमारी, कुवेत

सिंगापुर विश्वको एउटा यस्तो देश हो, जुन देशमा बच्चा जन्मदरलाई अत्यन्त ठूलो चिन्ता छ ।
बच्चाको जन्मदर बढाउन सिंगापुर सरकारले एउटा उपाय अपनाएको छ, त्यो हो– एक दिन सार्वजनिक बिदा । र, यो बिदा कर्मचारीलाई केवल सेक्स गर्नका लागि मात्र दिइन्छ ।

मानिसहरु एउटा बच्चामात्र जन्माउने र कतिले त कुनै पनि बच्चा नजन्माउने भएकाले सिंगापुर सरकारले यो उपाय अपनाएको हो । जसका कारण पछिल्ला दिनहरुमा बच्चा बृद्धिदर बढ्ने सिंगापुर सरकारको अपेक्षा छ ।

काठमाडौँः सङ्घर्ष, प्रेरणा र सफलताको कथा हुन् शान्ता चौधरी । पत्याइनसक्नु भोगाई र सङ्घर्षको जीवन कथा बोकेकी तीनै शान्तामाथि सौता आएकी छिन् अहिले ।

कमलरी जस्तो कुप्रथाको शिकार बनेर अनगिम्ती हण्डर खाँदै सभासद्सम्म बनेकी शान्ताको मन अहिले अशान्त बनेको छ ।  टिकापुरमा घटेको सिंहात्मक घटनाले त्रसित बनेका कैलालीबासीको भन्दा पनि बेचैन बनेको छ अहिले शान्ताको मन । सोमबार साँझ नयाँ पेजले शान्तालाई सम्पर्क गर्दा उनी कुनै औपचारिक कार्यक्रम वा छलफलमा व्यस्त थिइन् ।

कमलरी जस्तो कुप्रथाको शिकार बनेर अनगिम्ती हण्डर खाँदै सभासद्सम्म बनेकी शान्ताको मन अहिले अशान्त बनेको छ ।  टिकापुरमा घटेको सिंहात्मक घटनाले त्रसित बनेका कैलालीबासीको भन्दा पनि बेचैन बनेको छ अहिले शान्ताको मन ।

‘म राजधानी मै थिएँ, उहाँले छोरालाई फोन गरेर कान्छी आमा ल्याएको भन्नु भएछ । त्यसपछि त छोरा–छोरीलाई सम्झाउँनै सकेकी छैन,’ शान्ताले भनिन्, ‘बुबा वित्नु भएको भए बरु वित्नुभयो भनेर चित्त बुझाउनु हुन्थ्यो, बाँचेको बुबालाई अब कसरी बुबा भन्नु भन्दै छोरा–छोरी रुँदा मन थाम्न मुस्किल पर्ने रहेछ ।’

तपाइँले समय बचाउनका लागि भन्दै रोटी पकाउने पिठो मुछेर फ्रिजमा राख्ने गर्नु भएको छ ? छ भने यो धार्मिक दृष्टिले राम्रो मानिँदैन । रोटी पकाउने पिठो भिजाएर फ्रिजमा राख्दा घरमा अनिष्ट निम्तिन सक्ने धार्मिक मान्यता छ ।
के हो त कारण ?
रोटी पकाउन तयार पारिएको पिठोको डल्लो पनि श्राद्धमा दिइने पिण्ड जस्तै आकारको हुने हुँदा यसले प्रेत वा पिण्ड नपाएका आत्माहरुलाई आकर्षित गर्ने र यसले घरमा अनिष्ठ हुने धार्मिक विश्वास छ । पिठो फ्रिजमा राख्दा त्यसलाई भक्षण गर्न प्रेतात्माहरु घरमा आउने बताइन्छ ।
यसो गर्दा उक्त पिठोको डल्लो प्रेतको खाना बन्ने र प्रेतको खाना खानेहरुमा निराशा, रोग, क्रोध तथा चिडचिडेपनको समस्या हुने बताइन्छ । ताजा खानाले भने मन-मस्तिष्क निर्मल र शरीरलाई रोगमुक्त राख्ने मानिन्छ ।
प्राचीन कालमा समेत ऋषि मुनिहरुले ताजा भोजन गर्नु पर्नेमा जोड दिएका छन् । यसले शरीरलाई निरोगी बनाउने हुन्छ । तर पछिल्लो समयमा फ्रिजको प्रचलन बढ्दै गएको छ । फ्रिजले बासी खाना खाने बानी मानिसमा बढाइरहेको छ । बासी भोजनले मानिसमा क्रोध, आलस्य र उन्माद बढाउने आयुर्वेद विज्ञहरु बताउँछन् ।

 गायिका तथा मोडल ज्योति थापा मगर केही समय यता चर्चामा छिन् । उनले नृत्य गरेको ‘तल पनि पिरलो माथि पनि पिरलो चोरी खान पल्केको यो ढाडे विरालो भन्ने’ भन्ने बोलको गीत उनले गरेको अभिनयपछि उनलाई ब्लू फिल्म खेल्ने सुझाव समेत आयो ।
हाल अमेरिकामा रहेका गायक रामप्रसाद खनालले ज्योती थापा मगरलाई तीज गीतमा अभिनय गर्न छोडेर ब्लू फिल्म अर्थात अश्लिल चलचित्रमा अभिनय गर्न सुझाव दिएपछि ज्योतिले उनलाई एक पटक ब्लू फिल्म खेलेर देखाउन उल्टो सुझाव दिइन् ।
मैले अहिेलेसम्म ब्लु फिल्म हेरेकी छैन, रामप्रसादले खेलेर  देखाए हेरौंला :ज्योती मगर
गीतको बिचमा डाइलग राखिएको यो गीतमा ज्योतीले कि रेखाको चल्छ कि देखाको चल्छ भनेकी छिन् । देखाउन मन पराउने तीनै ज्योति मगरले ह्याप्पी मोमेन्ट भन्दै फेसबुकमा हट तस्विर सार्वजनिक गरेकी छिन् 
हेर्नुस् ज्योतीले फेसबुकमा सार्वजनिक गरेका ग्ल्यामर तस्विरः

अमेरिकाको अलस्का स्थित किबालिना गाउँ लगातार समुन्द्रमा डुब्दै छ। ४०३ मानिस बस्ने यो गाउँ वरिपरिको समुन्द्रि सतह प्रत्येक समुन्द्री आँधीसंगै माथी माथी आउदै गएको हो।



यस्तो अवस्था मौसम परिवर्तनले निम्त्याएको जानकारहरु बताउँछन्। समुन्द्र सतहबाट ६-१० फिटमात्र माथी रहेको यो गाउँको बस्ती अन्यत्र सार्न कुनै पहल भने भएको छैन।


सम्बन्धित अधिकारिहरुले सन् २०२५ सम्म पुरै गाउँ समुन्द्र भित्र हुने अनुमान गरिसकेका छन्। यहाँ जग्गा किनबिच हुन छोडिसक्यो। मानिसहरु गाउँ पुरै डुब्ने र बस्ने ठाउँको व्यवस्था नगरिएकोमा चिन्तित छन्।





यस्तै मेक्सिकोको खाडीस्थित लुसियानको केही क्षेत्र लतागार पानीमा डुब्दै गइरहेको छ। प्रत्येक वर्ष समुन्द्रको पानीले यो सहरको ठुलो हिस्सा जलमग्न गराउँछ। बस्न मिल्ने जमिन घटदै छ। पछिल्लो १०० वर्षमा उक्त शहरको १८८० वर्ग माइल जमिन पानीमा डुबिसकेको छ।

काठमाडौं— भारतीय केन्द्रीय गृहमन्त्री राजनाथ सिंहले नेपालको तराई भूभागमा बसोबास गर्ने भारतीय नागरिकबारे चासो देखाएका छन्। सिंहले मधेस समस्या नेपालको आन्तरिक मामिला भन्दै त्यहाँ बस्ने एक करोड भारतीय नागरिकलाई सुरक्षित पार्नु आफ्नो चासो भएको उल्लेख गरेका छन्।

मधेसवादी दलहरुले नयाँ संविधान जारी गर्ने समयमा तराई अशान्त बनाएका बेला भारतीय गृहमन्त्रीको यस्तो भनाइ आइएनले सार्वजनिक गरेको हो।


भारतीय गृहमन्त्री राजनाथ सिंह

सीमावर्ती उत्तरप्रदेशको महाराजगञ्ज जिल्लामा सशस्त्र सीमा बल (एसएसबी) को नयाँ भवन शिलान्यास कार्यक्रमलाई सम्बोधन गर्दै आइतबार भारतीय गृहमन्त्री सिंहले भने, 'नेपालमा रहेका भारतीयको सुरक्षाप्रति सरकार सचेत छ।'

नेपालका मधेसीहरु भारतीय भएको उल्लेख गर्दै पत्रिकाले उनीहरु वर्षौंअघि बसाइँ सरेर त्यहाँ गएको जनाएको छ। त्यस्ता धेरै भारतीयले नेपाली नागरिकता पाए पनि अधिकांशले अझै नपाएको पत्रिकाले उल्लेख गरेको छ। मधेसमा रहेका जनतालाई भारतीय जनता पार्टीको एउटा समूहले लामो समयदेखि सहयोग गर्दै आएको समाचारमा उल्लेख छ।

विजेपी सांसद योगीले मधेसी अान्दोलनलाइ सघाइरहेका छन्

गोरखपुर क्षेत्रबाट लोकसभामा प्रतिनिधित्व गर्ने बिजेपी सांसद योगी आदित्यनाथले नेपाल सरकारविरुद्ध लड्न मधेसी समुदायलाई बन्दोबस्तीका सामग्री सहयोग गर्दै आएको दाबी समाचारमा गरिएको छ। योगीले तीन दिअघि वक्तव्य जारी गर्दै नेपालमा हिन्दू राष्ट्रविरोधी विदेशी शक्ति र राजनीतिक नेतृत्वले पछिल्लो हिंसा भड्काएको आरोप लगाएका थिए।

युपी, बिहार, पश्चिम बंगाल सीमावर्ती क्षेत्रमा मधेसीको जनसंख्या ३० प्रतिशत रहेको उल्लेख गर्दै समाचारमा यीमध्ये ४० प्रतिशतसँग नेपाली नागरिकता अझै नरहेको उल्लेख गरिएको छ।

भदौ १३, २०७२, के तपाइलाई थाहा छ ? अर्को महिना सेप्टेम्बर २८ तारिकको दिन अर्थात नेपाली मिति अनुसार असोज ११ गते सोमबारको दिनमा यो बर्षको सबैभन्दा अध्यारो चन्द्रमा देख्न पाईने भएको छ ।
यो दिन चन्द्रमा अरु सामान्य बेलाभन्दा पृथ्वीबाट सबैभन्दा नजिकको दुरीमा आउनेछ । यसले गर्दा चन्द्रमा एकदमै सेतो चम्किलो रुपमा चम्किनेछ । केटाकेटीहरुको भाषामा यो सुपरमुन हो ।Capture यो सुपरमुन अर्थात ठूलो चन्द्रमा सोही दिनको करिव ४ः३० बजे बिहान लगभग डेढ घण्टाको समयसम्म चन्द्र ग्रहणको कारण यसको स्वरुपमा परिर्तन आउनेछ । यतिखेर चन्द्रमा पृथ्वी र सूर्यकोे ठीक बिचमा पर्ने भएकोले सूर्यको किरण पृथ्वीम घुमेर पर्ने भएकोले रगतको स्वरुपमा चन्द्रमा परिवर्तन हुने छ । यद्यपी यो चाँही यो बर्षमा चौथो पटक हुदैछ । चन्द्रमा रगतम परिवर्त हुनु चाँही क्रिश्चियन बिश्वासीहरुको लागि अलगै अर्थ राख्छ । यो चाँही प्रभु येसू ख्रिष्ट फेरी पृथ्वीमा फर्केर आउने घटनाको पूर्व संकेत हो । जुन घटनाको उल्लेख बाइबलमा प्रकासको पुस्तकमा बर्णन गरिएको पाईन्छ । चन्द्रमा यसरी रगतमा परिवर्तन हुनु पृथ्वीको अन्त्य पूर्व आउने माहासंकष्ट समयको संकेत पनि हो । बैज्ञानिकहरका अनुसार चन्द्रमा पृथ्वीको नजिक आउदा यसले समुन्द्रको नियमित ज्वारभाटा उत्पन्न गर्ने प्रकृयामा असर पार्दछ । यसरी चन्द्रमा नजिक हुदा समुन्द्रमा अझ अग्ला र शक्तिशाली ज्वारहरु निस्कन्छन । यो घटन ग्रहणको कारण हुने भए पनि धेरै क्रिश्चियन बिश्वासीहरुको लागि त्यति राम्रो चिन्ह होइन । उनीहरु पृथ्वी पापको चरम अवस्थाम पुगेको यसपछि येसू फेरी बिश्वासीहरुलाई लिन र न्याय गर्न फर्केर आउने घटनासँग सम्वन्धित कुरासँग यसलाई लिन्छन । यो समाचार याहु डटकमबाट सारमसमा अनुबाद गरेर लिएको हो ।

इराकमा नेपाली युवतीको जलेर मृत्यु

भाद्र १२, २०७२- घरेलु कामदारको लागि इराक पुगेकी पिर्ती—७, रामेछापकी ३२ वर्षीया  निरु सुनारको जलेर गत बुधबार  मृत्यु भएको छ ।

इराकको स्वतन्त्र राज्य कुर्दिस्थानस्थित हाइसुर्तामा कार्यरत निरु खाना पकाउने क्रममा भदौ ९ गते ग्यास चुलोको आगोले भेटेपछि जल्न पुगेकी थिइन् । उनको अर्बिल अस्पतालमा उपचारको क्रममा मृत्यु भएको हो । ‘दिदीले अण्डा पकाउँदै हुनुहुन्थ्यो । तेल उछिटिएर कपडामा पर्न गयो । अर्को चुलोमा बलेको आगोले भेटिहाल्यो,' निरुकी बहिनी फुलमायाले ईकान्तिपुरलाई भनिन,‘लुगामा सल्केपछि आगो निभाउन सकिनन् ।’

फुलमाया पनि इराकमै कार्यरत छन् । ‘जलेपछि मैले तीनदिनसम्म दिदीलाई कुरेर अस्पतालमा बसेँ,' उनले भनिन,‘उपचारको क्रममा मेरै सामुन्ने दिदीको प्राण गयो ।’

निरु इराकमा चार वर्षदेखि काम गर्दै आएकी थिइन् । ‘मलाई पनि दिदीले नै बलाउनुभएको थियो । सबै राम्रो चलिरहेको थियो,' ७ महिनाअघि पुगेकी फुलमायाले भनिन्,‘अहिले यस्तो बज्रपात आइपर्‍यो ।’
   
निरु र फुलमाया काम गर्ने घर आधाघण्टाको दुरीमा पर्छ । निरुको शव अर्बिलस्थित रोजगारी अस्पतालमा राखिएको छ । उनका साहुले जल्ने समयमा आफूहरु घरबाहिर रहेको बताएका छन् । ‘हामीले छोरी सरह पालेका थियौं । जति बसिन् । सबै जना खुसी थियौं,' गैरआबासीय नेपाली संघ इराकका अध्यक्ष लालकाजी गुरुङले साहुको भनाई उद्धत गर्दै भने,‘हामी बाहिर जानु नै निरुको लागि दशा रहेछ ।’

निरुका घरमालिक मालिक्नी यो घटनाबाट निकै शोकमा डुबेको गुरुङले बताए । ‘उनीहरु एकदमै भावविह्वल अवस्थामा रहेको मैले भेटेँ,' उनले भने, ‘उनीहरु निरुका छोराछोराको लागि सहयोग गर्न समेत तयार छन् ।’

निरुका १५ वर्षीय छोरा र १२ वर्षीया छोरी गाँउमै पढिरहेका छन् । ‘भिनाजुले सौता ल्याएपछि दिदी छोराछोरीलाई पढाउन इराक आउनुभएको हो,' फुलमायाले भनिन्,‘इराकको कमाइले छोराछोरीले पढिरहेको थिए ।’

उनको शव नेपाल पठाउने प्रक्रिया भइरहेको गुरुङ्ले बताए । ‘मैले पाकिस्तानस्थित नेपाली दूतावाससँग समन्वय गरिरहेको छु,' उनले भने, ‘सबै प्रक्रिया पुरा गरेर यो सातासम्म शव पठाइसक्नेछौं ।’

निरुका परिवारलाई सहयोग गर्न अर्बिलमा कार्यरत नेपालीले सहयोग रकम उठाइरहेका छन् । यसअघि पनि एक नेपाली युवती खाना पकाउने क्रममा जलेर मुत्यु भएको थियो ।

लागोस (नाइजेरिया), १३ भदौ । एक नाइजेरियाली बायुसेना (एनएएफ)को ड्रोनियर ¬२२८ विमान उत्तरीक्षेत्रको कादुनाको रिवादु मिलिटरी क्यान्टनमेन्टमा शनिबार दुर्घटना हुँदा सात जनाको मृत्युभएको एक सरकारी अधिकरीले जनाएको छ ।
दुर्घटनाको वायुसेनाका प्रवक्ता एअर कमान्डर अलोङ्ले पुष्टि गर्दै भन्नुभयो, ‘कादुनाबाट नाइजेरियाको राजधानी अबुलाका लागि उडेको उक्तविमान कुहुनास्थित एक घरमा ठोकिँदा दुर्घटना भएको हो ।’
मृतकको शरिर घटनास्थलमा जम्मा गरिसकिएको साथै उक्त विमानबाट आगो वस्तीमा फैलिन नदिन बारुणयन्त्र यहाँ आइसकेको पनि उहाँले बताउनुभयो ।
विमानमा विमान चालक, सहचालक, दुई इन्जिनियर र तीन जना यात्रु दुर्घटामा परेको बताइएको छ ।
दुर्घटनाको छानविन गर्न वायुसेना प्रमुख तथा एअरमार्शल सद्दिकी अवुवाकरको नेतृत्वमा एक छानविन समिति गठन गरिसकिएको प्रवक्ता आलोङले बताउनुभयो । रासस÷सिन्ह्वा