जमिन मुनी भेटियो २ करोड रुपैयाँ.
एजेन्सी, विहार, ७ पुष, भारतको विहारमा प्रहरीले जमिन मुनिबाट २ करोड रुपैयाँ फेला पारेको छ । विहारको जमुई जिल्लाको विभिन्न ३ गाउँबाट प्रहरीले १ करोड ७७ लाख भन्दा बढि नगद फेला पारेको हो जुन जमिन मुनि गाडिएको अवस्थामा थियो ।प्रहरी अधिकारी उपेन्द्र कुमार सिंहका अनुसार गत सेप्टेम्बर २० मा एचडीएफसी बैंकको ४ करोड रुपैयाँ बोकेको कन्टेनर हराएको थियो । सो फेला परेको नगद सोही कन्टेनरमा रहेको नगदको केही हिस्सा रहेको बताइएको छ । उक्त पैसा बोकेको कन्टेनर भ्यान कोलकाताको डलहौजी भन्ने ठाउँमा दुर्घटना ग्रस्त भएको थियो ।
प्रहरीका अनुसार उक्त क्यास भरिएको कन्टेनर विहारका केही मजदुरहरुले फेला पारेका थिए जो सो इलाकामा सडक मजदुरी गर्थे । ति मजदुरहरु विहारको जमुई जिल्लाका रहेको बीबीसीले जनाएको छ । उक्त घटनामा संलग्न रहेको आशंकामा ११ जनालाई हालसम्म पक्राउ गरिसकिएको एसपी सिंहले बताएका छन् । नगद सबै नभेटिए पनि क्रमशः फेला पार्दै गएको प्रहरीले जनाएको छ ।
