अष्ट्रेलियामा १६ घन्टापछि बन्धक मुक्त, बन्दुकधारीसहित तीनको मृत्यु
काठमाडौं, पौष १ । अष्ट्रेलियाको सिड्नीस्थित एउटा क्याफेलाई बन्दुकधारीको नियन्त्रणबाट मुक्त गराउन प्रहरीले गरेको सशस्त्र कारबाहीमा ३ जनाको ज्यान गएको छ ।
सन् १९९६ देखि अष्ट्रे्लियामा राजनीतिक शरण लिइरहेका इरानी शरणार्थी मान हारोन मोनिसले सोमबार बिहानैदेखी सिड्नीको व्यस्त मार्टिन प्यालेसमा रहेको लिन्ड चकलेट क्याफेलाई नियन्त्रणमा लिएर १७ जनालाई
बन्धक बनाएका थिए ।
१६ घन्टासम्म बन्दुकधारीलाई मनाएर आत्मसमर्पण गराउने प्रयास विफल भएपछि अष्ट्रेलियन कमान्डोले सशस्त्र कारबाही गरेको थियो । कारबाहीका क्रममा बन्धक बनाइएका दुई सर्वसाधारणसहित ३ जनाको मृत्यु भएको हो । प्रहरी कारबाहीमा बन्दुकधारी हारोन मोनिस मारिएका हुन् ।
बन्दुकधारीले मानव ढालको रुपमा प्रयोग गरेका क्याफेका ३४ वर्षीय म्यानेजर टोरी जोन्सन र ३८ वर्षीय वकिल कट्रिना डसनको समेत मृत्यु भएको हो ।
आफूलाई इस्लामी धर्मगुरु बताउने ती बन्दुकधारी विभिन्न आरोपमा अदालतको चक्कर काटिरहेको इरानी शरणार्थी थिए । उनीमाथि झन्डै ४० ओटा विभिन्न आरोपमा मुद्दा चलिरहेको थियो । (एजेन्सी)
सन् १९९६ देखि अष्ट्रे्लियामा राजनीतिक शरण लिइरहेका इरानी शरणार्थी मान हारोन मोनिसले सोमबार बिहानैदेखी सिड्नीको व्यस्त मार्टिन प्यालेसमा रहेको लिन्ड चकलेट क्याफेलाई नियन्त्रणमा लिएर १७ जनालाई
बन्धक बनाएका थिए ।१६ घन्टासम्म बन्दुकधारीलाई मनाएर आत्मसमर्पण गराउने प्रयास विफल भएपछि अष्ट्रेलियन कमान्डोले सशस्त्र कारबाही गरेको थियो । कारबाहीका क्रममा बन्धक बनाइएका दुई सर्वसाधारणसहित ३ जनाको मृत्यु भएको हो । प्रहरी कारबाहीमा बन्दुकधारी हारोन मोनिस मारिएका हुन् ।
बन्दुकधारीले मानव ढालको रुपमा प्रयोग गरेका क्याफेका ३४ वर्षीय म्यानेजर टोरी जोन्सन र ३८ वर्षीय वकिल कट्रिना डसनको समेत मृत्यु भएको हो ।
आफूलाई इस्लामी धर्मगुरु बताउने ती बन्दुकधारी विभिन्न आरोपमा अदालतको चक्कर काटिरहेको इरानी शरणार्थी थिए । उनीमाथि झन्डै ४० ओटा विभिन्न आरोपमा मुद्दा चलिरहेको थियो । (एजेन्सी)
