सुनको मूल्य ओरालो लाग्ने क्रम जारी
५ पुस, काठमाडौ ।
स्थानीय बजारमा उतारचढाव झेलिरहेको सुनचाँदीको भाउ यो साता घटेको छ । साताको पहिलो दिनको तुलनामा प्रतितोला सुनको भाउ ६ सय रुपैंया तथा चाँदीको भाउ ४५ रुपैंयाले घटेको हो ।
सोमबार स्थिर रहेको सुनको भाउ मंगलबार ५ सय तथा चाँदी ३५ रुपैंयाले घटेको थियो । बुधबार सुनको भाउ प्रतितोला ३ सय रुपैंयाले बढेर ५२ हजार ४ सय पुगेको थियो भने चाँदीको भाउ प्रतितोला १० रुपैंयाले घटेर ७ सय रुपैंया पुगेको थियो । बिहीबार सुनको भाउ ४ सय रुपैंयाले घटेको थियो भने चाँदीको भाउ स्थिर रहेको थियो
शुक्रबार पनि सुन तथा चाँदीको भाउ स्थिर रहँदै प्रतितोला छापावाल सुन ५२ हजार, तेजावी सुन ५१ हजार ७ सय ५० तथा चाँदी ७ सय रुपैंयामा कारोबार भएको थियो ।
