Entertainment news » साउथ अफ्रिकाकी रोलिनी स्ट्रसलाई मिस वल्र्डको उपाधी, मिस नेपाल सुबिन पहिलो चरणबाटै बाहिरिइन् (फोटो फिचर सहित)

विशाल चौतारी समाचार तस्बिरहरु : युटुबबाट \\ मिस वल्डको अफिसियल फेसबुक पेज काठमाडौ, २०७१, मंसिर २८, आइतबार । साउथ अफ्रिकाकी रोलिनी स्ट्रसले मिस वल्र्ड २०१४ को उपाधी चुमेकी छिन् । यस बर्षको विश्व सुन्दरी प्रतियोगीता बेलायतको राजधानी लण्डनमा सम्पन्न भएको छ । विश्वका विभिन्न १२५ देशबाट सुन्दरीहरु प्रतिस्पर्धामा भाग लिन लण्डन पुगेका थिए । विश्व सुन्दरी भएपछि रोलिनीको आखाबाट आशु झर्‍यो । तपाई किन नया मिस वल्र्ड बन्न चाहनुहुन्छ ?

भन्ने प्रश्नको उत्कृष्ट जवाफ दिदै उनले विश्व सुन्दरीको ताज जित्न सफल भएकी हुन् । यस्तै, फस्ट रनरअपको उपाधी हंगेरकी इडिना कुल्सार र सेकेन्ड रनरअप अमेरिकाकी एलिजावेथ साफ्रिटले जितेका छन् । विश्व सुन्दरीको अन्तिम ५ मा हंगेरी, अष्ट्रेलिया, साउथ अफ्रिका, अमेरिका र बेलायतका प्रतिस्पर्धी सुन्दरीहरु पुगेका थिए ।
त्यस्तै नेपालबाट प्रतिस्पर्धामा भाग लिन पुगेकी मिस नेपाल सुबिन लिम्बु पहिलो चरणबाट नै बाहिरिएकी छिन् । सन् १९५१ पछि दोस्रो पटक मिस वल्र्ड लण्डनमा भएको हो । दोस्रो चरणमा २५ जना सुन्दरीहरु पुगेका थिए
मिस वल्र्डको स्टेजमा पूर्व विश्व सुन्दरी बलिउड अभिनेत्री ऐश्वर्या राय पति अभिषेक बच्चन र छोरी आराध्याको साथमा पुगेकी थिइन् । उनले विश्व सुन्दरी प्रतियोगिता जितेर आफूलाई धेरै उपलब्धी हासिल भएको बताइन् । साथै उनलाई आयोजकले निकै लामो वृत्तचित्र सहित सम्मानपनि गरेको थियो ।