बम विस्फोटमा कम्तीमा नौको मृत्यु (तस्विर सहित)
सो विस्फोटनमा परी नौ जनाको मृत्यु हनुको साथै अन्य दुई घाइते भएका प्रान्तीय गभर्नरले जानकारी दिएका छन । यस समाचारको विस्तृत विवरण भने प्राप्त भइसकेको छैन ।
यसैवर्षको जनवरी १ देखि अफगान राष्ट्रिय सुरक्षा बलले अफगानिस्तानको सुरक्षाको सम्पूर्ण जिम्मा लिएका छन् ।
गएको १३ वर्षदेखि अफगानिस्तानको शान्तिका लागि खटिइआएको नेटो सैनिकले यही जनवरी १ देखि बिदा लिइसकेको यस अवस्थामा तालिवानी आतङ्ककारी समूहले अफगान सुरक्षाबल र सर्वसाधारण नागरिकमाथि आक्रमणका शृखलाहरु पनि बढाएका छन् ।
अर्कोतर्फ सुरक्षा बलले तालिवानी विरुद्ध कारबाहीको शृङ्खलालाई निरन्तरता नै दिएको छ । सो कारबाहीमा दैनिक रुपमा तालिवानीहरु मारिने पनि गरेका छन् ।
संयुक्त राष्ट्रसङ्घीय मिसनका अनुसार दक्षिण एसियन यस राष्ट्रमा सन् २०१४ मा मात्र तालिवानसँग आबद्ध आतङ्क र द्वन्द्वको कारण करिब १० हजार सर्वसाधारणको मृत्यु र घाइते भएका छन् ।
