अमेरिकी राष्ट्रपति बाराक ओबामाले भारत र अमेरिका स्वभाविक सहयोगी भएको बताएका छन् ।
तीनदिने भारत भ्रमणमा रहेका ओबामाले द्धिपक्षीय वार्तापछि नयाँ दिल्लीमा आयोजित संयुक्त पत्रकार सम्मेलनमा दुई मुलुकबीच व्यापारिक लगानी बृद्धि गरिने बताए ।
अमेरिका भारतसँग परमाणु सम्झौताका लागि अघि बढ्न तयार रहेको भन्दै ओबामाले भारतसँगको
पत्रकार सम्मेलनमा बोल्दै भारतीय प्रधानमन्त्री नरेन्द्र मोदीले ओबामासँगको कुराकानीमा दुई मुलुकबीच व्यापार, उर्जा, रक्षा, प्रविधिलगायतका विषयमा छलफल भएको बताए । मोदीले विश्व शान्ति र आतंकवादविरुद्ध मिलेर संघर्ष गर्ने स्पष्ट पारे ।
ओबामा भारतको गणतन्त्र दिवसको प्रमुख आतिथ्यता ग्रहण गर्न नयाँ दिल्ली आइपुगेका हुन् । विशेष विमानबाट इन्दिरा गान्धी अन्तर्राष्ट्रिय विमानस्थलमा ओर्लदा उनलाई स्वागत गर्न नरेन्द्र मोदी आफैं पुगेका थिए । त्यसलगत्तै राष्ट्रपति भवन पुगेर उनी महात्मा गान्धीप्रति श्रद्धासुमन अर्पण गर्न राजघाट पुगेका थिए ।
जनवरी २६ अर्थात् सोमबार आयोजना गरिएको गणतन्त्र दिवसको समारोहमा प्रमुख आतिथ्यता ग्रहण गर्न ओबामा भारत आएका हुन् । ओबामाको भ्रमणलाई ध्यानमा राखी भारतभर सुरक्षा व्यवस्था कडा बनाइएको छ ।
इतिहासमै सबैभन्दा उच्च सुरक्षा व्यवस्था गर्न हजारौं सुरक्षा बल तैनाथ गरिएको छ भने १५ हजार सीसीटिभीले निगरानी राख्नेछ । सातपत्रे सुरक्षा घेराका लागि ५० हजार सुरक्षाकर्मी खटाइएको भारतीय सन्चारमाध्यमहरुले जनाएका छन् ।
ओबामाको सुरक्षाका लागि अमेरिकाबाटै ५ सय गोप्य सुरक्षाकर्मी भारत आइपुगेका छन् । गणतन्त्र समारोहस्थल नयाँ दिल्लीलाई उडान निषेधित क्षेत्र घोषणा गरिएको छ । सुरक्षा गस्ती बढाइनुका साथै ठूल्ठूला भवनमा ‘स्नाइपर’ हतियारयुक्त विशेष दस्ता तैनाथ गरिएको छ ।
तीनदिने भ्रमणका लागि आउनु भएका ओबामा र अमेरिकी प्रतिनिधिमन्डलका लागि दिल्लीको मौर्य सेराटन होटलका ४ सय ३८ कोठा पूरै ‘बुक’ गरिएको छ । ओबामा चढ्ने कार अमेरिकाबाटै झिकाइएको छ भने ओबामा रहने र हिँड्ने ४ सय किलोमिटर क्षेत्रमा हवाई उडानमा रोक लगाइएको छ ।
अमेरिकाबाट ल्याइएका दुई दर्जन बढी विशेष तालिमप्राप्त कुकुर पनि भ्रमण अवधिभर भारतमै रहनेछन् । (एजेन्सी)
भारत अमेरिकाको स्वभाविक सहयोगी : ओबामा
