क्रिकेट कमेन्टेटरले अनुस्कालाई विराटकी पत्नी भनेपछि
पुस १६ – यतिबेला भारतीय क्रिकेट टोलीका टेस्ट कप्तान विराट कोहली र नायिका अनुस्का शर्माको प्रेम प्रशंगले निकै चर्चा कमाएको छ ।
पछिल्लो समय अस्ट्रेलियाका पूर्व क्रिकेटर माइकल स्लेटरले अनुस्कालाई कोहलीकी पत्नी भनेर सम्बोधन गरेपछि दुवै जना पुनः चर्चामा आएका छन् ।
अस्ट्रेलिया र भारतबीच भएको तेस्रो टेस्टको अन्तिम दिन खेलको कमेन्ट्री गरिरहेका स्लेटरले अनुस्कालाई विराटकी पत्नी भनेर सम्बोधन गरेका थिए । अनुस्का यतिबेला आफ्नो प्रेमी विराटलाई समर्थन गर्न अस्ट्रेलिया पुगेकी छिन् ।
स्लेटरलाई आफूलाई तुरुन्तै सच्याउन खोजेपनि उनले फेरि अनुस्कालाई विराटको ‘मंगेतर’ भनेर सम्बोधन गर्न पुगेका थिए ।
यसअघि सोही टेस्टमा शतक बनाएपछि कोहलीले ब्याट उठाउँदै स्ट्याण्डमा रहेकी अनुस्कालाई ‘फ्लाइङ किस’ दिएका थिए । केही महिनाअघि पनि उनले यसै गरेका थिए । यसले समाजिक सञ्जालमा निकै चर्चा पाएको थियो ।source tajaakhabar
