महाभूकम्प २०७२ (अपडेट) : बिहीबार मध्यरातीसम्म मृत्तकको संख्या ६ हजार नाघ्यो
| शनिबार गएको महाभूकम्पमा परि ज्यान गुमाउनेको संख्या ६ हजार नाघेको छ । बिहीबार मध्यराती १२ बजेसम्म भूकम्पमा परी ज्यान गुमाउनेको संख्या ६ हजार १ सय ३० पुगेको गृह मन्त्रालयले जनाएको छ। | |
काठमाण्डौ, बैशाख १७ - शनिबार गएको महाभूकम्पमा परि ज्यान गुमाउनेको संख्या ६ हजार नाघेको छ । बिहीबार मध्यराती १२ बजेसम्म भूकम्पमा परी ज्यान गुमाउनेको संख्या ६ हजार १ सय ३० पुगेको गृह मन्त्रालयले जनाएको छ ।
त्यस्तै घाइतेहरुको संख्या १३ हजार ४ सय १५ पुगेको छ । उपचारपछि केही घाइतेहरु घर फर्किएका छन् भने धेरैजसोको विभिन्न अस्पताहरुमा उपचार भइरहेको छ ।
विभिन्न ठाउमा पुरिएकाहरुको उद्धार कार्य जारी रहेकोले ज्यान गुमाउनेको संख्या अझै बढ्ने बताइएको छ । ज्यान गुमाउनेमा सबैभन्दा बढी सिन्धुपाल्चोकमा २ हजार पुगेको छ भने राजधानी काठमाण्डौमा १ हजार ९८ पुगेको छ । त्यस्तै भक्तपुरमा २६१ र ललितपुरमा १६९ जनाको मृत्यु भएको छ । यसैगरी नुवाकोटमा ७१७, धादिङमा ५७०, गोरखामा ४०७, रसुवामा ३०४, दोलखामा ६०, मकवानपुरमा ३३ र रामेछापमा २४ जनाको मृत्यु भएको बताइएको छ । त्यस्तै भूकम्पबाट अन्य जिल्लामा पनि मृत्तकको संख्या बढेको छ । |
