जेठ १२ गते- कास्कीको शिसुवामा अचम्मको
गोल्डेन कोब्रा सर्प भेटिएको छ । लेखनाथको शिसुवास्थित स्याउलीबजारमा
भेटिएको याे सर्पको प्रजाती दुर्लभ रहेको जिल्ला वन कार्यालय कास्कीले
जनाएको छ ।
यसप्रकारको सर्प भेटिएपछि स्थानीय
बासिन्दाहरुकाे जिल्ला वन कार्यालय कास्कीलाई खबर गरेका थिए । यसअघि
कहिल्यै यस्तो सेतो तथा सुनौलो रंगको सर्प नदेखेका स्थानीय केहीले सर्पलाई
नाग भन्दै पूजा समेत गरेका थिए । सर्प भेटिएको बारे जिल्ला वन कार्यालय
कास्कीका सहायक वन अधिकृत खगेन्द्र बरालले पुष्टि गरे ।
नेपाल रिपोर्टस् सँग कुराकानी गर्दै उनले
अत्यन्तै दुर्लभ प्रजातिको उक्त सर्पको उद्धार गरी जिल्ला वन कार्यालय
कास्कीमा ल्याइएकाे र सुरक्षित ठाउँमा लगेर छाडिएको बताए । Via
नेपाल रिपोर्टस
