Filmy » समयभन्दा अगाडी र समयभन्दा पछाडि केहि गर्दिनः नायिका तथा समाजसेवी रेखा थापा

नायिका रेखा थापासँग नेपालपाटी डटकमले गरेको कुराकानी तपाई कुनै बेला राजनीतिमा पनि सक्रिया हुनुहुन्थ्यो । तर अहिले ओझेलमा परेको देखिन्छ किन ? कुनै बेला मात्र सक्रिय होइन, म जुन दिन देखि राजनीतिमा प्रवेश गरेँ । त्यो दिनदेखि नै म आफ्नो पार्टीमा छु ।

राजनीति गर्ने मान्छे भनेपछि हाम्रो देश मा ठुलो ठुलो भाषण गर्ने अनि सडकमा नारा लगाउन हिड्ने मान्छेलार्इ बिशेष गरि मानिन्छ । तर त्यो गलत हो । मैले अहिले जुन रुपमा कलाकारिता मार्फत ल्याउने सोच प्रतिवद्धतामा तथा समाजमा सहयोग गरेर प्रत्यक्ष तथा अप्रत्यक्ष जनताको घर–घरमा पुगेको छु । आफ्नो फिल्मी पेशा लार्इ पनि उत्तिकै समय दिँदै देशको प्रायः जिल्ला भ्रमण गरेको छु विभिन्न सामाजिक कार्यक्रम मार्फत । मलाई एउटा राजनीतिक दलको नेता बन्नु भन्दा पनि, अहिले रेखा थापा (एउटा छोरी) बनेर नेपाली जनताहरुसँग दुःख, सुःख बाँड्न नेपालका हरेक कुनाकाप्चामा पुगेको छु । महाकालीको राउटे बस्तीदेखि चितवनको चेपाङ समुदायसंग मेरो मनको नाता गाँसेको छु। अझै पनि तपाईलार्इ लाग्छ म ओझेल मै छु ? रेखा थापा समय भन्दा अगाडी र समय भन्दा पछाडी केहि गर्दिन। समय र परिस्थितिलाई र उचित मुल्यांकन गरेर अगाडि बढ्छु । राजनीतिक दल र सरकार र नागरिकस्तरबाट भूकम्पपछि गरिरहेको काम ठीक छ या अझ बढी गर्नुपर्ने आवश्यकता छ ? हेर्नुस, ठिक छ छैन त्यो सम्बन्धित जनताले मुल्यांकन गर्ने कुरा हो। मेरो विचारमा यो समय व्यक्ति, संस्था तथा अन्य निकाय भन्दा नेपाल सरकारले बहुत बुद्धिमानीपूर्वक समाधानतिर लाग्नु आवश्यक छ । वर्षा आउन लाग्यो । पीडितलाई कमसेकम बसोबासको व्यवस्था पहिले मिलाउन जरुरी छ । अनि अस्पतालमा निशुःक उपचारको व्यवस्था मिलाउन आवश्यक छ । देशको भविश्य त्यो आउँदै गएको बच्चामा निर्भर छ । सानो सानो समस्या अहिले समाधानतिर नलाग्ने हो भने भोलि बिकराल बन्ने निश्चित छ । अनि हामीले पनि हाइटी देशको जनताले झैँ वर्षौवर्ष दुःख, रोगको उल्झनमा पर्नुपर्ने निश्चित छ । त्यो सबै जनताले भुकम्पपछिको दुख र बर्बादी हाइटीको तत्कालिन सरकारको दुरगामी सोचको अभाब कै कारण मानिन्छ। नेपालको अहिलेको सरकारको काम गर्ने शैली हेर्दा मलाई त्यस्तै आभास हुन्छ। कलाकारिता, राजनीति र समाजसेवा वा अन्य कुनै पेशा व्यवसाय के मा भविश्य उज्जल देख्नुहुन्छ ? र तपाई केलाई निरन्तरता दिनुहुन्छ ? समाजसेवा मेरो विचारमा कुनै पेशा र ब्यापर होइन । यो त पबित्र आत्माले मानवीयताको लागि गरिने सहयोग हो । राजनीति पनि मलाई लाग्छ समाजसेवासंग समन्धित छ । राजनीति देश, समाज र जनताको हितको लागि गर्ने हो । म आफनु कलाकारिता पेशामा सफल भएपछि नै राजनीति मा प्रवेश गरेको हुँ । पेशामा सफल बनेपछि राजनीतिमार्फत देश र जनताको सेवा गर्ने मेरो उदेश्य हो । मलाई विश्वास छ म समाज र जनताप्रति उत्तरदायी नेता बन्छु । मेरो निरन्तरता कलाकारिता, समाजसेवा र राजनीति सबैमा उतिकै हुने छ। यतिबेला तपाई प्रधानमन्त्री भएको भए, महाविपत्तिको सामना र नयाँ नेपाल निर्माण कसरी गर्नुहुन्थ्यो ? यति बेला सायद म प्रधानमन्त्री भएको भए, राजनीति र पार्टीभन्दा माथि रहेर राष्ट्रिय सरकार गठन गरेर निस्वार्थ रुपले देशलाई नयाँ स्वरुप दिने थिएँ । सकेसम्म जिल्ला जिल्लामा पुगेर जनताको गुनासो प्रत्यक्ष सुन्ने र समाधानको प्रयास गर्ने थिएँ । यदि देशलाई नयाँ स्वरुप दिने नेता चाहिने महसुस भएमा अरु दललाई नेतृत्व सुम्पन पनि तयार हुने थिए । बिपत्ति भन्ने कुरा जुन सुकै देशमा पनि पर्छ । यसले धनी र गरिव देश भन्दैन । तर हामी गरिव देशको नागरिक त्यसमाथि पनि दैविप्रकोपको पीडा । यो पीडा र विध्वंशलाई अवसरको रुपमा बदल्दै सुन्दर नेपाल बनाउने थिएँ । भूकम्पपीडितलाई जुन किसिमले राहत वितरण भइरहेको छ । त्यो देख्दा कस्तो लाग्छ ? व्यक्ति–व्यक्ति, संस्था, एनजिओ, आइएनजिओको संलग्नता देख्दा खुसी लाग्छ । तर सरकारको एउटा निश्चित टार्गेट भएको भए राष्ट्रिय स्वाधिनतामा कुनै आँच आउने थिएन । सबैले गरेको सहयोगको कदर हुने थियो ।