पोखराः पोखराको न्यूरोडमा दिउँसै चक्कु देखाएर लुटपाट गर्ने चारजनालाई प्रहरीले पक्राउ गरेको छ । 
 

गत बैशाख २७ गते दिउँसो चक्कु देखाएर ४७ वर्षीया तार्साङ लामाको साथमा रहेको दुई लाख रुपैयाँ लुट्ने गिरोहका चारजनालाई पक्राउ गरी प्रहरीले डाँकाचोरी मुद्दा दर्ता गरेको छ । 

अभियुक्तहरुले न्यूरोडको सिटी एक्सप्रेस मनी ट्रान्र्सफरबाट पतिले विदेशवाट पठाएको रकम निकालेर लिएर हिड्दै गरेकी तामाङलाई धारिलो हतियार देखाई रकमसहितको ब्याग लुटेर भागेका थिए । 

पक्राउ पर्नेमा सोलुखुम्बुको सल्लेरी–५ का २५ वर्षीय फुर्बा शेर्पा, सिन्धुली हसाई–९ का ३६ वर्षीय गणेश शाह भन्ने गंगाबहादुर शाह, भोजपुरको कोट–५ का २६ वर्षीय सञ्जय श्रेष्ठ र मकवानपुरको छतिवन–९ का २२ वर्षीय सोम थोकर छन् ।