१ हजारको पाल ३ हजारमा बेच्ने व्यापारी प्रहरी खोरमा
काठमाण्डु,३१ वैशाख– अभावको फाइदा उठाउँदै पाल, म्याट आदिमा कालोबजारी गर्ने काठमाण्डु, कगेश्वरी मनोहरा–७ का व्यापारी वीरेन्द्र जैसवाल प्रहरीको खोरमा पुगेका छन् ।
जैसवालले १ हजार रुपैया पर्ने पाललाई ३ हजार र १५० सयको म्याटलाई ५ सयमा बिक्री गरिरहँदा उनलाई प्रहरीले पक्राउ गरेको हो । जैसलावले घरमा लुकाएर राखेको ९ थान पाल पनि जफत गरेको छ । कालोबजारी गरिरहेको सूचना प्रहरीलाई स्थानीयले दिएका थिए ।
