भूकम्पले एकजनाको मृत्यु
फोटो :फाइल फोटो
नुवाकोट : बिहीबार दिउँसो गएको भूकम्पले नुवाकोटको काहुले गाविसमा एक जनाको मृत्यु भएको छ ।भुकम्पसँगै झरेको पहिरोले पुर्दा सदरमुकाम विदुरदेखि २६ किलोमिटर पश्चिममा रहेको काहुले गाविसा एक वृद्धको मृत्यु भएको जिल्ला प्रहरी कार्यालय नुवाकोटले जनाएको छ ।
परकम्पपछि खसेको पहिरोले पुरिएर साल्मे गाविस–९ का ८३ वर्षीय कुशव तामाङको मृत्यु भएको हो । काहुले गाविस–२ खुर्लुखोला नजिकै भूकम्पसँगै झरेको पहिरोले किचेर मृत्यु भएको प्रहरीले जनाएको छ ।
उनीसँगै नुवाकोटमा भूकम्पबाट मृत्यु हुनेको संख्या एकहजार एकसय चार पुगेको जिल्ला प्रहरी कार्यालय नुवाकोटले जनाएको छ ।
