वीरगञ्जमा अनिश्चितकालीन कर्फ्यू प्रहरी चौकीमा आगजनी
१४ भदौ, वीरगञ्ज । जिल्ला प्रशासन कार्यालय पर्साले वीरगञ्ज नगर क्षेत्रमा अनिश्चितकालीन कर्फ्यू जारी गरेको छ ।
प्रहरी र प्रदर्शनकारीबीच सोमबार दिउँसो नगवा चोकमा झडप भएको थियो ।
झडपपछि स्थिति तनावग्रस्त भएपछि अपरान्ह चार बजेदेखि अर्को आदेश नभएसम्मका लागि कर्फ्यू लगाइएको जिल्ला प्रशासन कार्यालय पर्साले जनाएको छ ।
प्रदर्शनकारीले नगवा चोकमा यातायात अबरुद्ध पार्न खोजेपछि प्रहरीले हस्तक्षेप गरेको थियो । त्यसपछि प्रदर्शनकारीले प्रहरीमाथि ढुंगामुढा गरेका थिए । स्थिति नियन्त्रणमा लिन प्रहरीले हवाइ फायर गरेको थियो ।
