Entertainment news » सुन्दा पनि अनौठो लाग्ने नक्कली वन्दुक लिएर वच्चाहरू वैक लुट्न जादा ....?

यी दुई बच्चाहरुको तस्बिर बैंकको ढोकामा राखिएको सिसिटिभी क्यामरा कैद गरिएका तस्बिर हुन् । तर बैंक लुट्न गएका ती बालकहरु बैंक लुट्नुभन्दा अघि नै डराएर भागेका थिए । पुलिसका अनुसार दुबै बच्चाहरुसँग नक्कली एम १६ एसल्ट राइफल थियो जुन सक्कली जस्तो भान हुन्थ्यो । उनीहरुले बैंकमा उपस्थित मानिसहरुलाई बन्दुक देखाएर चेतावनी दिए जसका कारण त्यहाँ उपस्थित सबै मानिसहरु निकै डराएका थिए, इजरायल प्रहरीले जनाएको छ ।
बैंकमा राखिएका सिसिटिभी क्यामरामा कैद गरिएका तस्बिरका आधारमा ती बालकहरुको पहिचान गराई पुलिसले उनीहरुलाई पक्राउ गर्न सफल भएको हो । ती बालकहरुसँग सोधपुछ चलिरहेको पुलिसले जानकारी दिएको छ । यता, बच्चाहरुको वकिल गील ग्याबेले ती अबोध बालकहरुको अधिकार हनन भएको आरोप लगाएका छन् । उनी भन्छन्, ‘ती बालकहरुलाई रातभरी कुर्सीमा सुत्न बाध्य बनाइएको छ जुन गैरकानुनी हो । ’उनी भन्छन्, ‘ती बालकहरुलाई अपराधीको जस्तो नभई अलि भिन्न किसिमको व्यवहार गर्नुपर्ने हुन्छ ।’
स्रोतः डेली मेल