मोटरसाइकलमा हुइक्याउँदै लगेकी युवतीको शव जंगलमा
ओएस नेपाल, काठमाडौँ २४ मङ्सिर । गोरखाकी एक युवतीको नुवाकोटको सुनखानीमा हत्या भएको छ । मोटरसाइकलमा सुनखानीतर्फ लिएर गएका एक युवकले जंगलमा युवतीको हत्या गरेको प्रहरीले जनाएको छ ।युवतीको हत्यामा संलग्न भएको आरोपमा गणेशस्थान गाविस–४ का २५ वर्षीया अजय ढकाललाई स्थानीयको सहयोगमा प्रहरीले गएराति नै पक्राउ गरेको छ ।
गोरखा जिल्ला थालाजुङ गाविस–९ की २३ वर्षीया रीता गुरुङको मङ्गलबार राति नुवाकोटको सुनखानी गाविस–७ छहरे–टोखा सडकखण्ड नजिकै चाँपे वनमा हत्या गरिएको अवस्थामा शव फेला परेको प्रहरीलाई उद्धृत गर्दै राष्ट्रिय समाचार समितिले जनाएको छ ।
काठमाडौँ बस्दै आएकी गुरुङलाई हिजो साँझ ढकालले मोटरसकाइलमा सुनखानीको जङ्गलमा ल्याई हत्या गरेको प्रहरीले दाबी छ ।
स्थानीयको सहयोगमा युवतीको हत्यामा संलग्न भएको आरापित ढकाललाई बा६४प २२३ नम्बरको मोटरसाइकलसहित प्रहरीले पक्राउ गरेको हो ।
