६ लाख ५० हजारको मोटरसाइकल नेपालमा
काठमाडौं, पौष ५ । युरोपियन केटिएम आरसी सिरिजका मोटरसाइकल स्थानीय बजारमा भित्र्याइएको छ । हंसराज हुलासचन्द एण्ड कम्पनीले केटिएम आरसी सिरिजका सुपर स्पोर्ट मोटरसाइकल नेपाली बजारमा भित्र्याएको हो ।
कम्पनीले आरसी ३९० र आरसी २०० को स्थानीय बजार मूल्य क्रमशः ६ लाख ५० हजार र ५ लाख रुपैयाँ रहेको जनाएको छ । यी सिरिजका मोटरसाइकल रेसिङ्गमा सर्वाधिक परिचित छन् । केटीएम मोटरसाइकल युरोपको नम्बर १ मोटरसाइकल रहेको कम्पनीको दाबी छ ।
