पत्याउनुहुन्छ... कुकुरले आफ्नै मालिकलाई गोली हान्यो
कुकुरका मालिक ४६ वर्षका रिचर्ड एल फिप्स यतिबेला अस्पतालमा उपचार गराइरहेका छन । एक अग्रेजी पत्रिकाका अनुसार रिचर्डलाई गोली लागेपछि अस्पतालमा भर्ना गरिएको छ । रिचर्डले आफ्नो गाडीमा एक ब्यागमा लिडेड राइफल राखेका थिए, ब्याग खुल्ला थियो र उनी आफ्नो गाडी सफा गरिरहेका थिए । यती नै बेला उनको कुकुर गाडीमा चढ्यो र उसले गोली चलायो । रिचर्डको बायाँ हातमा गोली लागेको छ ।
अस्पतालमा उपचार गराइरहेका रिचर्डको अवस्थाको बारेमा डाक्टरले केही नबताए पनि उक्त हमला ज्यान लिने किसिमको नभएको बताइन्छ । पुलिस भन्छ, राईफल लोडेड थिएन भने यो घटना पनि हुने थिएन । एक पुलिस अधिकारी भन्छन, ४२ वर्षको करियरमा यस्तो घटना भने पहिलो पटक देखेको हो ।
