बस र ट्यांकर जुध्दा ३० जनाको मृत्यु..
२७ पुस, कराँची । पाकिस्तानको कराँचीमा बस र ट्यांकर ठोक्किदा ३० जनाको मृत्यु भएको छ । स्थानीय प्रहरीका अनुसार कराचीबाट शिकारपुर जाँदै गरेको बस र ट्यांकर आपसमा ठोक्किएका हुन् ।
गलत दिशाबाट गैरहेको तेल बोकेको ट्यांकर विपरित दिशाबाट आइरहेको बससँग ठोक्किएको स्थानीय प्रहरीले जनाएको छ । ठोक्किएपछि बस र ट्यांकरमा आगो लागेको थियो ।
दुर्घटनामा ५७ जना मारिएको बताइए पनि प्रहरीले त्यसको पुष्टि गर्न नसकेको बताएको बीबीसीले जनाएको छ ।
दुर्घटनामा बसमा सवार अन्य केही यात्रु घाइते भएका छन् । बसको छतमा बसेकाहरुले भने कुदेर ज्यान बचाउन सफल भएका थिए ।
पाकिस्तानमा हरेक वर्ष सवारी दुर्घटनाका कारण चार हजार ५ सय बढिको मृत्यु हुने गरेको छ ।
के तपाई एनसेलबाट इन्टरनेट चलाउनुहुन्छ ? अब अनलाइनखबर खोल्दा पैसा लाग्दैन । एक्टिभेट गर्ने तरिका थाहा पाउन यहाँ क्लिक गर्नुहोस् ।
