चालक ले ४५० प्रवासी भएको जहाज समुद्रको बिचमा किन छोडे त ?
कोरिग्लियानो
(इटली), चालक दलका सदस्यहरूले बिचमानै छोडिदिएको एक जहाज ४५० प्रवासीहरू
लिएर इटलीको दक्षिणी तटमा पुगेको छ । यसका साथै उक्त जहाजको उद्दार अभियान
सकिएको छ ।
अधिकारीहरूका
अनुसार चालक दलका सदस्यहरूद्वारा यो साता प्रवासीहरू भरिएको जहाज समुद्रमा
एक्लै छोडेको यो दोश्रो घटना हो । एजादीन नामको यस जहाजमा फसेका
मानिसहरूमा महिलाहरूका साथै बालबालिकाहरू पनि रहेका थिए ।
इटालिको
नौसेना द्वारा जहाजको नियन्त्रण लिन र त्यसलाइ सुरक्षित किनारासम्म
ल्याउनका लागी चलाएको अभियान पछि एजादीन स्थानीय समयानुसार राती करीब ११
बजे कोरिग्लियानो कालाब्रो को बन्दरगाहमा आइपुगेको थियो ।
यस अघि
तटरक्षक बलका ६ जना अधिकारीहरूलाइ हेलिकप्टरबाट उक्त जहाजमा उतारिएको थियो,
जसले ४० किलोमिटर टाढाको इटलीको तटमा उक्त जहाजलाइ सुरक्षित ल्याउन सकियोस
। उक्त जहाजमा सियरालियोनको झण्डा लगाइएको थियो । इटली द्वारा समुद्रमा
चलाइएको अभियानहरूको कडिमा यो सबैभन्दा नयाँ अभियान हो ।
भूमध्य
सागरमा खतरनाक यात्रा गरेर ठुलो संख्यामा प्रवासीहरू इटली पुगिरहेका छन ।
गत बुधवार मात्र नौसेनाले एक अर्को चालक दल रहित जहाजलाइ रोकेका थिए । यो
जहाज समुद्रमा बाटो बिराएर भड्किरहेको थियो । जसमा ८०० जना प्रवासी सवार
थिए । यसरी समुद्रमा लावारिस अबस्थामा जहाजहरू भेटिन थालेपछि अहिले निकै
चिन्ता बढेको बताइएको छ । यहाँ तस्करहरूले मानिसहरू भरिएको ठुला डुङ्गा तथा
जहाजहरूलाइ धेरै लाभ लिने चाल स्वरूप यूरोपको तटिय क्षेत्रहरूमा छोडिदिन
थालेका छन ।
