Filmy Khabar » गिनिज बुकमा विश्वकै कान्छा निर्देशकमा सौगात विष्टको नाम लेखियो

विशाल चौतारी समाचार काठमाडौ, २०७१, फल्गुन ६, बुधबार । निकै लामो समयदेखी प्रयास गरिएको काम अहिले आएर सफल भएको छ । यो एक ब्याक्तिको सफल्ता भन्दाबढी नेपाली र नेपाली चलचित्र क्षेत्रको लागि रहेको छ । यति ठुलो सफल्ता ८ वषिर्य नेपाली निर्देशक सौगात विष्टले गिनिज वुक अफ वल्र्ड रेकर्डमा विश्वकै कान्छा निर्देशकको रुपमा नाम लेखाउन सफल भएका छन् ।

गिनिज वुक अफ वल्र्ड रेकर्डस्को आधिकारीक वेबसाइटमा विश्वकै कान्छो निर्देशक भनी ८ वषिर्य सौगात विष्टको नाम उल्लेख भएको छ । यो सँगै सौगात विश्वकै व्यवसायिक फिचर फिल्म निर्देशन गर्ने कान्छो निर्देशक भएका छन् । सन् २००७ जनावरी ६ तारिखमा जन्मिएका सौगातको उमेर फिल्म ‘लभ यू बाबा’ निर्देशन गर्दा ७ वर्ष ३ सय ४० दिनको थियो । सौगातले निर्देशन गरेको फिल्म ‘लभ यू बाबा’ ले नेपाली दर्शकको मन छुन सफल थियो । फिल्म ‘लभ यू बाबा’ मा सौगातले आफ्नै पिता गजित विष्ट र दिदी संगम विष्टलाई मुख्य भूमिकामा प्रस्तुत गरेका छन् । यसअघि विश्वकै कान्छा निर्देशकको नाम गिनिज बुकमा भारतिय बाल निर्देशकको नाम थियो ।