काठमाडौं : काठमाडौंमा वुधबार बेलुका चलेको हावाहुरी र असिनापानीका कारण काठमाडौं एयरपोर्ट केही समयमा लागि बन्द गरिएको छ।

एयरपोर्टको उडान र अवतरण दुवै बन्द गरिएको छ । सवा आठ बजेदेखि असिनापानीसँगै निकै तीव्र गतिमा हावाहुरी चलेको छ।  काठमाडौं आउन लागेका उडानहरुलाई पनि डाइर्भट गरिएको छ।
 

काठमाडौं एयरपोर्टमा साढे आठ बजे अवतरण गर्ने तयारीमा रहेको एयर अरबियाको जहाज हावाहुरीका कारण आकाशमै घुमिरहेको छ। अवतरणका लागि तीनपटकसम्म प्रयास गर्दा पनि सफल भएको छैन।