सोनम कपुरलाई पनि स्वाइन फ्लु, आखा भारत नै सक्रंमित
| भारतमा आक्रामक रुप लिएको स्वाइन फ्लु चर्चित बलिउड अभिनेत्री सोनम कपुरमा पनि देखिएको छ। | |
 मूम्बई, फागुन १६ - भारतमा आक्रामक रुप लिएको स्वाइन फ्लु त्यहाँका स्वास्थ्यमन्त्रीसहित चर्चित बलिउड अभिनेत्री सोनम कपुरमा पनि देखिएको छ । अभिनेत्री कपुरको रगतको नमुना परीक्षणमा स्वाइन फ्लुको संक्रमण देखिएको हो ।गुजरातको राजकोट नजिक सलमान खानसँगै चलचित्र प्रेम रतन धन पायोको छायाँकनको क्रममा रहेकी सोनमको स्वास्थ्यमा समस्या देखिएपछि रगत परीक्षण गर्दा स्वाइन फ्लु पोजेटिभ भेटिएको र तत्काल उनलाई चाटर्ड विमानबाट मुम्बइ पुर्याइएको भारतीय सञ्चार माध्यमले जनाएका छन् । सोनम गएको १० दिनदेखि चलचित्रको छायाँकनका लागि गुजरातमा रहेकी थिइन् । उच्च ज्वरोको आएपछि सोनमलाई शनिबार बिहान राजकोटको एक अस्पतालमा भर्ना गरिएको र रगत परीक्षण गर्दा स्वाइन फ्लुको संक्रमण देखिएको उनका फिटनेस प्रशिक्षकले बताएका छन् । यसै हप्ता मात्रै गुजरातका स्वास्थ्य मन्त्रीलाई समेत स्वाइनफ्लु संक्रमण देखिएको थियो । |
