उडीरहेको बिमान भित्रै एयर होस्टेज माथि यात्रु जाइलागेपछि बबाल
इटाली । उडीरहेको बिमान भित्र सवार यात्रुले एयर होस्टेसलार्इ ताकेर मुक्का हानेपछि इटालीमा बबाल भएको छ । भोकले आलसतालस परेका ति यात्रुले झोंकमा एयर होस्टेसलार्इ कुटेपछि इजिजेटटको जहाजलार्इ फोर्स ल्यान्डिङ गरिएको डेली मेलले लेखेको छ ।
डेलीमेलका अनुसार ति यात्रुले घण्टौंदेखि खानाका लागि पर्खिरहेको तर कुर्दा कुर्दा दिक्क भए पछि क्याबिनमै छिरी झोंकमा एयर होस्टेसलार्इ मुक्का हानेका हुन् ।
नाटकीय जस्ता लाग्ने यि सबै दृश्य स्वीटजरल्यान्डबाट १८० यात्रु लिएर कोसोभोको प्रिस्टिना जाँदै गरेको अवस्थामा ब्रिटिस बजेट एयरलाइन्स इजिजेटभित्र हिजो बिहान घटेका हुन् । एयर होस्टेसमाथि मुक्का हान्ने युवा मु्क्का हानेपछि आफैं पनि लडेका थिए ।
मुक्का खाएपछि एयरहोस्टेस जहाजभित्रै चिच्याएकी थिइन् भने उनको तत्कालै स्वास्थ्य परीक्षण गरीएको थियो । मुक्का हान्ने ति युवालाई इटालियन प्रहरीले विमानस्थलबाटै नियन्त्रणमा लिएको छ ।
