अस्पतालमा स्थान अभावका कारण रोडमा नै उपचार जारी, सडक कोलाहलमय
मिडिया एनपी, काठमाडौं । भूकम्प गए लगत्तै मुलुकभरका अस्पतालमा घाइतेको संख्या ह्वात्तै बढेको छ । विशेगागरी काठमाडौँ उपत्यका लगायत यसबाट प्रभावित जिल्लाका अस्पतालमा खुट्टा टेक्ने ठाउँ छैन । हिजो दिउसोदेखि राजधानीका अस्पतालहरुमा एकैसात कोलाहल र रुवांबासी मच्चियो । काठमाडौँका शिक्षण अस्पताल, विर अस्पताल, लगायतका ठुला अस्पतालमा अहिले पनि उस्तै भिड छ ।
अस्पतालका सबै बेड, आकस्मिक कक्ष र भूई सबै भरिएका छन् । हताहती र गम्भीर घाइतेहरुको संख्या बढ्दै गइरहेको छ । अस्पतालका स्वास्थ्यकर्मी के गर्ने के नगर्ने बिलखबन्दमा परेका छन् । राजधानीका अस्पताल छेउमा घाइतेहरु भुईभरी लम्पसार छन् । उनीहरुको अहिले पनि सडकमा नै उपचार भइरहेको छ ।
हात खुट्टा भाँचिएका, रगताम्यहरुको संख्या अनगिन्ती देखिन्छ । यद्यपी अहिलेसम्म घाइतेहुनेहरुको एकिन तथ्यांक नआए पनि अहिले सम्म करिब ५ हजारको हाराहारीमा त्यो संख्या पुगेको सरकारले जनाएको छ ।
