News » भग्नावसेसबाट बैंकको दुई करोड ४८ लाख भन्दा बढि रकम फेला

काठमाडौं, वैशाख २१ –

सशस्त्र प्रहरी बलको सर्च एण्ड रेस्क्यु टोलीले काठमाडौंको वालाजु औद्योगिक क्षेत्र भित्र रहेको बैंक अफ काठमाडौंको भग्नावसेसबाट दुई करोड ४८ लाख ८५ हजार ४ सय एक रुपैयाँ निकालेको छ । सशस्त्र प्रहरी निरीक्षक धिरेन्द्र चन्दको कमाण्डमा खटिएको सशस्त्र प्रहरी बलको सर्च एण्ड रेस्क्यु टोलीले उक्त बैंक रहेको
भत्किएको संरचना भित्र ढलान काट्दै अगाडी बढि खोजी तथा उद्धार कार्य गर्ने क्रममा उल्लेखित रकम फेला पारिएको हो । त्यस ठाउँमा सशस्त्र प्रहरी बलको सर्च एण्ड रेस्क्यु टोली सँगै नेपाली सेना तथा नेपाल प्रहरीको टोली समेत संयुक्त रुपमा खोजी कार्यमा खटिएको थिए । त्यसवेला उल्लखित नेपाली रुपैया सँगै अमेरीकी डलर दुई हजार ८ सय ७९ तथा थाइ भाट ७१ समेत फेला पारिएको छ । भत्किएको संरचना भित्र ढलान काट्दै र खोजी गर्दै एपीएफको उक्त टोली भित्र पसेपछि भग्नावसेसको टुक्राहरु बाहिर फाल्न अन्य टोलीहरुले समेत सशस्त्र प्रहरी बलको सर्च एण्ड रेस्क्यु टोलीलाई सघाएको थियो । सो एपीएफ टोलीले भित्र पसेपछि पैसा राख्ने सेफ तथा लकरहरु समेत फेला पारेपछि त्यहाँसम्म जाने सुरक्षीत बाटो बनाई आवश्यक सो बैंकको कर्मचारी तथा अन्य टोलीहरुलाई समेत त्यस ठाउँसम्म पु¥याएको थियो । त्यसपछि उक्त एपीएफ टोलीले सबैको रोहवरमा सजगताका साथ सेफ तथा लकर काटेर उक्त रकम निकालेको थियो । सो रकम बैंक कर्मचारीकै रोहवरमा सबै निकाय मिलेर सुरक्षीत साथ बाहिर ल्याइएको थियो । त्यसवेल सो बैंकका मेनेजर तथा सेक्युरीटी मेनेजर समेत सँगै रहेका थिए