News » ट्रकको ठक्करबाट मोटरसाइकल चालकको घटनास्थलमै मृत्यु

गौर चन्द्रनिगाहपुर सडक खण्डको सरुअठा बम नहरमा बिहान भएको दुर्घटनामा एक व्यक्तिको मृत्यु भएको छ भने दुई घाइते भएका छन । काठमाण्डौबाट गौर तर्फ आउदै गरेको बा.२ ख. १५० नम्वरको कन्टेनर ट्रकले ना.२१ प. ५३५१ नम्वरको मोटरसाइकललाई ठक्कर दिदा मोटरसाइकल चालकको घटनास्थलमै मृत्यु भएको हो । दुर्घटनामा परी रौतहटको राजपुर तुलसी गाविस ६ का १८ बर्षिय अरशद आलमको मृत्यु भएको जिल्ला प्रहरी कार्यालय रौतहटले जनाएको छ । ट्रक र मोटरसाइकल ठोक्कीदा भएको दुर्घटनमा मोटरसाइकल मा सवार १६ बर्षिय महमद जमाल र फतुहा महेशपुर गाविस २ का बर्ष १८ का चुन्नु मिया घाइते भएका छन् । दुर्घटनामा गम्भिर घाइते भएका चुन्नुको गौर अस्पतालमा सामान्य उपचार पछि थप उपचारको लागि विरगंज पठाइएको तथा ठक्कर दिने ट्रक र धादिंग जिल्ला जिवनपुर गाविस ६ का चालक इन्द्रलाल श्रेष्ठलाई हिरासतमा लिएको प्रहरी उपरिक्षक सानुबाबु थपलियाले दिए ।