झापा स्थिति सुरुङ्गा गाउँ विकास
समितिमा रहेको कनकाई सामुदायिक बनमा महिला हत्याको घट्नालाई
लुकाउन आगलागी गरिएको खुलेको छ । आइतबार
दिउँसो वन भित्र आगलागी भएको स्थानियले देखे
पछि आगो निभाउने उपभोक्ताहरु घट्ना स्थलमा पुगेका थिए ।
त्यहाँ पुग्दा उनीहरुले जलेर पूर्ण क्षतविक्षत
अवस्थामा महिलाकोे शव फेला पारेका थिए ।
अन्दाजी २२÷२५ वर्षकोे मंगोलियन
अनुहारकी महिलाको अनुहार र
शरीरका विभिन्न भागहरु पूर्ण रुपमा जलिसकेकाले
शवको बारेमा पहिचान हुन सकेको छैन ।
जलेकी महिलको शवको वरिपरी
रक्सीका बोतल र उनको आँखाको छेउमा धारिलो हतियार
समेत प्रयो ग गरिएको जस्तो देखिएकाले कसैले हत्या पछि शव
नचिनियोस् भन्नका लागि सो अनुचित कार्य गरेको हुन सक्ने स्थानिय
बताउँछन् ।
महिलाको शव वरिपरी दाउरा थुपारेर
आगो लगाइदिएको हुन सक्ने समेत स्थानीयले अनुमान
गरेका छन् । महिलाको शव
वरिपरीको स्थानमा डढेलो लागेको थियो र सो डढेलोबाट
सयौं क्यूविक सिसौका काठ र हरिया रुख जलेर नष्ट भएका छन् ।
महिलाको सनाखत र हत्या वा आत्माहत्या के हो भन्ने
बारेमा अनुसन्धान
जारी रहेको इलाका प्रहरी कार्यालय
सुरुङ्गाका प्रमुख प्रहरी नायव निरीक्षक
भूदेव बस्ने तले जानकारी दिए ।
आगोलाई नियन्त्रण गर्नका निमित्त भद्रपुर र दमकबाट दमकल
बोलाइएता पनि जंगलभित्र दमकल छिर्न
नसकेपछि बाहिरको आगो निभाएर दमकल फर्किएको थियो । बजार
छेउमा रहेको सो घना सामुदायिक वन भित्र यस अगाडि समेत पटक–
पटक यस्ता विभिन्न घट्नाहरु बाहिर आइ सकेका छन्
महिला हत्याको घट्ना लुकाउन यस्तो प्रयास गौरव पोखरेल, सुरुङ्गा । झापा