काठमाडौं, आषाढ २९ । भुकम्पछिको प्रभाव र बैदेशिक रोजगार ब्यावसायीको आन्दोलनको असर अन्तर्राष्ट्रिय उडानमा परेको छ । त्यसमा पनि नेपाली कामदारको गन्तब्य मुलुकमा यात्रु चाप अझ घटेको छ ।
यात्रु चाप घटेसँगै ठुलो बिमान सञ्चालन गरिरहेका अन्तराष्ट्रिय एयरलाइन्सहरुले सानो जहाज ल्याउन थालेका छन् भने दुई उडान भर्नेहरुले एक वटा उडान तालीकामा सिमित गरेका
पिक सिजनमा दैनिक ८० भन्दा बढी उडान हुने गरेकोमा अहिले ५८ हाराहारीमा अन्तर्राष्ट्रिय उडान भैरहेको छ ।
यसअघि सातामा २ सय बढी जहाजको ग्राउन्ड ह्यान्डलीङ हुने गरेकोमा म्यानपावर ब्यावसायीको आन्दोलनसँगै गएको साता १ सय २० वटामात्र अन्तराष्ट्रिय बिमान ग्राउन्डेड भएका छन् ।
नेपाल वायुसेवा निगमले बार्षिक ३ अर्व रुपैयाँ ग्राउन्डेडबाट प्राप्त गर्दै आएकोमा यसबाट हुने आम्दानीमा हाल आएर ४० प्रतिशत असर परेको निगमको भनाइ छ ।
मंगलबारको अन्तर्राष्ट्रिय उडान तालीकालाई नै हेर्ने हो भने पनि सोमबारको तुलनामा उडान अझै घटेको छ ।
सोमबार कुल ६५ वटा उडान तालीका रहेकोमा मंगलबार आगमन २९ र प्रस्थान २९ गरी कुल ५८ वटा उडान रहेको छ ।
बैदेशिक रोजगार ब्यावसायीको आन्दोलनले अन्तराष्ट्रिय उडान प्रभावित
