पूर्वयुवराज पारस शाहकी पूर्वप्रेमिका कन्निका चाइसानले फेसबुकमा पूर्वयुवराज्ञी हिमानी शाहको फोटो सोमबार पोस्ट गरेकी छिन् । त्यसमा कमेन्टको बाढी लागेको छ । कमेन्ट गर्नेहरू अधिकांश नेपाली छन् । उनले हिमानीको नाइटोमा मुन्द्री लगाएको फोटो पोस्ट गरेकी हुन् । फोटो राखेकोमा विरोध गर्दै कमेन्ट आएपछि कन्निकाले फेसबुकमै जवाफ पनि फर्काएकी छिन् । 

कमेन्टमा शम्भुप्रसाद धमलाले लेखेका छन्, ‘विस्तृतमा भन्न सक्नुहुन्छ ? उनीहरूले के गरे ?’ कतिले त पारस शाहसँग कन्निकाको सम्बन्धबारे पनि सोधेका छन् । महिला भएर महिलाको सम्मान गर्नुपर्ने सुझाब पनि कमेन्ट गर्नेहरूले दिएका छन् । प्रकाण्डले लेखेका छन्, ‘तिमी महिला होऊ भने हिमानीको पनि सम्मान गर ।’ उनले हिमानीको नाम सोसल मिडियामा नराख्न पनि सुझाब दिएका छन् । 

धेरैले पारस खराब भए पनि हिमानी असल मान्छे भएको र उनको सम्मान गर्न भनेपछि कन्निकाले जवाफ फर्काएकी छिन्, ‘सम्मान सिक्न तिनीहरूलाई भन्नुहोस् ।’ बारम्बार ठेगाना भनेकोमा कन्निकाले पछुतो पनि मानेकी छिन् । हिमानीको फोटो सार्वजनिक गरेको आधा घन्टापछि स्टाटस लेख्दै कन्निकाले पारस र हिमानीले आफूलाई दु:खी तुल्याएको पनि बताएकी छिन् । उनका दुवै पोस्टमाथि प्रतिक्रियाको ओइरो लागेको छ । पारस–कन्निकाको सम्बन्ध विगतमा पनि विवादित थियो । 

थाइल्यान्डमा पक्राउ पर्दा पारसले कन्निकामाथि सूचना चुहाएको आरोप लगाएका थिए । तर, पछि किन्निकासँग माफी मागेका थिए । पारस नेपाल फर्किएको धेरै भएको छैन । नेपाल आएको लामो समय भइसक्दा पनि पारस र हिमानी सँगै बसेका छैनन् भन्ने चर्चा छ । यतिवेला आएको कन्निकाको स्टाटसको संकेत के होला ? श्रोत खबर : नयाँ पेज डट कम