अनौठो गाउँ : जहाँ वर्षको पाँच दिन लोग्नेस्वास्नीबीच हुँदैन कामकुरा
यस्तो एउटा अनौठो परम्परा छ छिमेकी भारतको हिमाचल राज्यको एउटा गाउँमा । हिमाचलको कुल्लु जिल्लास्थित पिणी गाउँको एउटा परम्पराको बारेमा सुन्नुभयो भने तपाइँ छक्क पर्नुहुन्छ ।
उक्त गाउँमा वर्षको ५ दिन श्रीमान श्रीमती एक आपसमा प्रेमालाप गर्दैनन् । प्रेमालाप मात्र कहाँ हो र हँसिमजाक पनि गर्दैनन् वर्षको पाँच दिन ।
उक्त पाँच दिन महिलाहरुले आफुले लगाएको लुगा फेर्न पनि पाउँदैनन् र पाँच दिनसम्म ऊनबाट बनेको विशेष कपडा ओढ्दछन् ।
पिणी गाउँमा हरेक वर्ष अगष्ट १७ देखि २१ तारेखसम्म अर्थात् भदौ महिनाको सुरुका पाँच दिन यो अनौठो परम्परा पालना गर्ने गरिन्छ । त्यो पाँच दिनसम्म गाउँलेहरुले रक्सी पनि खाँदैनन् ।
यो परम्परासँग एउटा पौराणिक कथा जोडिएकेा छ । कथा अनुसार लाहुआ घोडा देवता पिणी गाउँमा पुग्दा त्यहाँ राक्षसको आतंक थियो । भदौँ संक्रान्तिलाई त्यहाँ कालो महिना मानिन्छ । उक्त दिनमा घोडा देवता गाउँमा आएर राक्षसको नास गर्ने विश्वास गाउँलेहरुमा छ । सोही अवसरमा गाउँलेहरु ती देवताको नाममा भदौको पाँच दिन समर्पण गर्दछन् र खानेकुरा तथा यौन कार्य समेत बार्ने गर्छन् ।
