News » घैंट मारिए लगत्तै चक्रेले “फिलिङ फ्रेस एट रिभर साइड स्प्रिङ रिसोर्ट, कुरिनटार” भनेर आफ्नो स्टाटसमा लेखेपछि

श्रोत दैनिक नेपाल => काठमाडौं, १० भदौ । गत साता काठमाडौंको कपुरधारामा गुण्डा नाइके कुमार श्रेष्ठ ‘घैटे’ प्रहरीसँगको मुठभेडमा मारिएपछि घैंटेका दुस्मन चक्रे मिलन भनिने मिलन गुरुङ भने तनावकाबीच खुसी मनाउन रिसोर्ट पुगे ।

गत भदौ तीन गते विहान घैंटे प्रहरी इन्काउन्टरमा मारिएको समाचार यूनाइटेड साप्ताहिकले छापेको छ । घैंट मारिए लगत्तै आफ्नो फेसबुक पेजमा पुराना गुण्डा नाइके चक्रेले ‘फिलिङ फ्रेस एट रिभर साइड स्प्रिङ रिसोर्ट, कुरिनटार’ स्टेटस लेख्दै फोटो समेत पोष्ट गरेका थिए । त्यसपछि उनी गोरखा पुगेको स्रोत बताउँछ । भूकम्पपछि घैंटेका झैं चक्रेले पनि गोरखा र सिन्धुपाल्चोकमा राहत भन्दै चेक मार्फत पैसा बाँडेको तस्विर फेसबुकबाट सार्वजनिक गरेका थिए । चक्रेमाथि २०६५ सालमा यादब ढंगोल हत्या गरेको आरोप लागेपछि फरार भएका थिए । फरार चक्रेलाई तत्कालिन आईजीपी रमेशचन्द ठकुरीको बिशेष टोलीले लागूऔषधसहित पक्राउ गरेको थियो । एक दर्जन भन्दा बढी अपराध गरेको अभियोग लागेका चक्रे अन्य अभियोगबाट भने सफाई पाइसकेका थिए । जेलभित्रबाटै चक्रेले हाउजीङ व्यवसायीले पैसा नदिएको भन्दै डोजरमा आगो लगाइ डोजर भित्रका व्यक्तिलाई समेत मार्न खोजेका थिए । लागूऔषध मुद्दामा मात्र ५ बर्ष कैद सजाय भोगी चक्रे बाहिर निस्केका थिए । जेलमै कैद भुक्तानी गरिसकेका चक्रेमाथि अबैध सम्पत्ति थुपारेको मुद्दा समेत रहेको छ । नेपाल प्रहरीको केन्द्रिय अनुसन्धान व्यूरो र सम्पत्ति शुद्धीकरण बिभागले सात करोड अबैध सम्पत्ति थुपारेको अभियोगमा बिशेष अदालतमा मुद्दा दर्ता गरेको थियो । उक्त मुद्दामा अदालतले चक्रेसँग एक करोड धरौटी माग गरेको थियो । स्रोतका अनुसार पछिल्लो समय हङकङ जाने तयारीमा रहेका चक्रे र इन्काउन्टरमा मारिएका घैंटेबीच सम्बन्ध सुधार गर्न हङकङमा रहेका उनीहरुका साथी विशाल गुरुङले पहल गरेका थिए ।