News » संजय स्माइली मगर लिन सिआइबीको टोली साउदी प्रस्थान

सर्वोच्च अदालतका न्यायाधीश रणबहादुर बमको हत्यामा सम्लग्न संजय स्माइली मगरलाई लिन नेपाल प्रहरीको केन्द्रीय अनुसन्धान ब्युरो सिआइबीको टोली आज साउदी अरब गएको छ । सिआइबीको एक टोली बिहान त्यसतर्फ प्रस्थान गरेको हो । वमको हत्यामा संलग्न मगर इन्टरपोलको सहयोगमा गत चैत्र १० गते साउदीमा पक्राउ परेका थिए । कानुनी अड्चन भन्दै साउदी सरकारले उनलाई बुझाउन आनाकानी गरिरहेको थिए । Capture सबै प्रक्रिया पूरा भएपछि सिआइबीको टोली उनलाई लिन साउदी गएको हो । गत शुक्रबारसम्मा सिआइबीले मगरलाई नेपाल ल्याइसक्ने छ । मगर, वम हत्यामा मूख्य सुटर हुन् । न्यायाधीश बमको २०६९ साल जेठ १८ गते ललितपुरको युएनपार्क नजिकै हत्या भएको थियो । हत्याका मूख्य योजनाकार बाबु थापासहित भने पक्राउ परिसकेका छन् ।