सडकमा रहेका सातजनाको मृत्यु

एजेन्सी  : बेलायतको सोरह्याम एयर शोका क्रममा एउटा फाइटर प्लेन ब्यस्त सडकमा खसेर दुर्घटनाग्रस्त भएको छ ।

आइतबार भएको यो घटना सडकमा गुडिरहेका दर्जनौ सवारीसाधन क्षतिग्रस्त भए । यो घटनामा कम्तिमा पनि सातजनाको ज्यान गएको छ ।

फाइटर प्लेन सडकमा खस्दा १४ जना गम्भीर घाइते भएका छन् । विमान जमिनमा बजारिनेबित्तिकै आगो सल्किएपछि ठूलो आवाजकासाथ विस्फोट हुन पुग्यो ।

जहाज खसेपछि आकाशको धेरैमाथिसम्म बाक्लो धुवाँ फैलियो । जहाज खसेको आसपासको क्षेत्र जलेर क्षतिग्रस्त भएको छ ।

यो विमान सन् १९५० मा बनेको एक सिटे हकर हन्टर रहेको बताइएको छ । दुर्घटनाका बेला हजारौं मानिस यो एयर शो हेरिरहेका थिए ।

दुर्घटनाग्रस्त जहाजबाट पाइलटलार्इ भने जीवितै निकालिएको छ । यो प्लेनलार्इ उडाइरहेका पाइलट एन्डी हिललार्इ तत्कालै उद्धार गरी अस्पताल भर्ना गरियो ।

उद्धारकर्मीले जहाजको भग्नावशेषबाट जिउँदै निकालिएका पाइलटको अवस्था चिन्ताजनक छ ।