काठमाडौं, माघ ८ । संविधानसभाको बैठकमा विहीबार (आज) पनि विपक्षी दलका सभासदहरुले अवरोध गरेका छन् । विपक्षीहरुको अवरोधपछि दिउँसो सवा ३ बजेसम्मका लागि स्थगित गरिएको थियो ।
आज दिउँसो १ बजेपछि बैठक सुरु भएलगत्तै विपक्षीहरुले नाराबाजी गर्दै अवरोध गरेका थिए । एकीकृत माओवादीसहितका विपक्षी मोर्चाका सभासदहरुले ‘रोष्ट्रम’
बैठक सुरु हुनासाथ एकीकृत माओवादीका अध्यक्ष पुष्पकमल दाहाल, नेता डा. बाबुराम भट्टराई, मधेसी जनअधिकार फोरम नेपालका अध्यक्ष उपेन्द्र यादव, फोरम लोकतान्त्रिकका अध्यक्ष विजय गच्छदारलगायतका नेताहरुको अगुवाइमा सभासदहरुले नाराबाजी गरेका थिए । उनीहरुले ‘सहमति बिना संविधान ल्याउन नमिल्ने’ भन्दै नारा लगाएका थिए ।
आजको बैठकमा प्रश्नावली निर्माण समिति गठनको प्रस्ताव गर्ने कार्यसूची छ । यसअघि बुधबार पनि विपक्षीहरुको अवरोधका कारण संविधानसभा बैठक कार्यसूचीमा प्रवेश नगरी स्थगित भएको थियो ।
भित्र विपक्षीहरुले नाराबाजी गरिरहेका बेला बाहिर निस्किएका एमाले अध्यक्ष केपी ओलीले बैठकमा गुरिल्ला डान्स चलिरहेकाले जनताले केही दिन दुःख पाउने प्रतिक्रिया दिए ।
माघ ५ गते मध्यरातमा एकीकृत माओवादीसहितका विपक्षी सभासदहरुले ‘तान्डव’ देखाएपछि संविधानसभाको बैठक अवरुद्ध हुँदै आएको छ ।
यता, संविधानसभा बाहिर भने विभिन्न समूह र दलहरुले प्रदर्शन जारी राखेका छन् । विपक्षी दलहरु र विभिन्न जातजातिका संस्थाहरुले संविधानसभा भवनको बाहिरका नाकाहरुमा नाराबाजी र प्रदर्शन गरेका हुन्
संविधानसभामा गुरिल्ला डान्स जारी छ : ओली (भिडियोसहित)
