संविधानसभामा प्रश्नावली समिति गठन गर्ने प्रस्ताव सभाध्यक्ष सुवास नेम्बाङले राखेपछि एमाओवादीका अध्यक्ष पुष्पकमल दाहालले अव संविधानसभाको औचित्य नै समाप्त पार्न खोजिएको टिप्पणी गरेपनि कांग्रेस नेताहरुले यसको स्वागत गरेका छन् ।
प्रधानमन्त्री एवं कांग्रेस सभापति सुशील कोइरालाले समाध्यक्षको कदम स्वागतयोग्य भएको भन्दै यो कसैको हार वा जित नभएको बताएका छन् । प्रचण्डले अव सबै कुराको हिसाव किताव सडकबाटै हुने चेतावनी दिएपनि कोइरालाले भने सबै मिलेर संविधान बनाउने बताए । कहाँ जानु हुन्छ? कहि जानु हुन्न मिलेर संविधान बनाउनेमा म विश्वस्त छु उनले भने ।
त्यस्तै कांग्रेस बरिष्ठ नेता शेरबहादुर देउवाले पनि सुवास नेम्बाङको प्रस्तावलाई स्वागत गर्दै अव संविधान निर्माणको प्रक्रिया अघि बढेको बताए ।
त्यस्तै कांग्रेस सभापति रामचन्द्र पौडेलले अव सहमतिको बाटो खुलेको र संविधान निर्माण प्रक्रिया शुरु भएको प्रतिक्रिया दिए । उनले प्रश्न गरे एमाओवादी पनि नआए पनि कहाँ जानु हुन्छ ? बैद्यको बाटो लागे मात्र हो नत्र कहाँ जाने ?
यसैबीच संविधानसभामा प्रस्ताव पेश भएपछि एमाले संसदीय दलको बैठक शुरु भएको छ ।
प्रधानमन्त्रीले दिए प्रचण्डलाई जवाफ