एजेन्सी : शाहरुख खान र काजोल अभिनित चर्चित हिन्दी फिल्म 'दिलवाले दुल्हनिया ले जाएङ्गे' लगातार एक हजार नौ हप्तासम्म चलेर मुम्बर्इको एक हलबाट उत्रिएको छ ।

 एक हजार नौ हप्पतासम्म हाउस फुल भएर चलेको उक्त फिल्म बुधवारबाट मुम्बईको मराठा चलचित्र मन्दिरबाट उत्रिएको हो ।

यो फिल्म बुधबार बिहान सवा नौ बजेको शो देखाएपछि हलबाट उत्रिएको हो । यो फिल्म गत डिसेम्बरमा मराठा चलचित्र मन्दिरमा लागेको एक हजार हप्ता पुरा भएको थियो । भारतीय फिल्मी इतिहासमा कुनै फिल्म लगातार लामो समयसम्म देखाइको रेकर्ड पनि यसले राखेको छ ।

मराठा चलचित्र मन्दिरको व्यवस्थापन पक्षले यो फिल्म दर्शक हाउसफुल हुन्जेल नहटाउने अडान लिएको थियो । विहानी शोका लागि त्यहाँ कर्मचारीले केही बढी काम गर्नुपर्ने बाध्यता थियो ।

यो फिल्मलार्इ यशराज फिल्म्स र मराठा चलचित्र मन्दिर दुबैपक्षको सहमतिमा हटाउने निर्णय लिएका हुन् ।