मलालामाथि गोली हान्नेलार्इ फासीको सजाय
एजेन्सी : पाकिस्तानकी साहसी किशोरी तथा सबैभन्दा सानो उमेरमा नोबेल पुरस्कार विजेता मलाला यूसुफजईमाथि गोली हान्ने एक व्यक्तिलार्इ मृत्युदण्डको सजाय सुनाइएको छ ।
मलालामाथि गोली हान्ने काममा संलग्न १० जनामध्ये एकजनालार्इ फासीमा झुण्ड्याउन पाकिस्तानी अदालतले आदेश दिएको हो ।
स्वात घाँटीको एन्टी टेररिस्ट अदालतले अन्य चारजना आक्रमणकारीलार्इ जन्मकैदको सजाय सुनाएको छ । मलालामाथि आक्रमण गर्नेहरुलार्इ प्रहरीले गत सालको डिसेम्बर महिनामा गिरफ्तार गरेको थियो ।
गत डिसेम्बरमा पेशावरको एक आर्मी पब्लिक स्कूलमा गरिएको हमलापछि १७ डिसेम्बरबाट पाकिस्तानमा मृत्युदण्डको सजायमाथिको प्रतिबन्ध हटाइएको थियो ।
मलालमाथि तालिबानी आतंककारीका सदस्यले आक्रमण गरेका थिए । मलालाले तालिबानको उर्दीको अवज्ञा गर्दै १४ वर्षीया मलाला ९ अक्टोबार २०१२ मा स्कुल गएकी थिइन् ।
मलालामाथि तालिबानी आतंककारीले स्कुलमै गोली हानेका थिए ।टाउकोमा गोली लागेपनि उनी बाँच्न सफल भएकी थिइन् ।
बेलायको अस्पतालमा करिब २ महिना लामो उपचारपछि पूर्ण स्वस्थ भएकी उनी संसारकैलागि कदरयोग्य ब्यक्ति बन्न पुगिन् ।
गोली हानिएको ठीक २ वर्ष एक दिनपछि उनले १० अक्टोबार २०१४ मा विश्वकै प्रतिष्ठित नोबेल शान्ति पुरस्कार प्राप्त गरेकी थिइन् ।
उनीसँगै बालबालिकाको अधिकारका लागि अभियान चलाउँदै आएका भारतका समाजसेवी कैलाश सत्यार्थीलार्इ नोबेल शान्ति पुरस्कार दिइएको थियो ।
