चोरी गर्दै हिड्ने संझना दिदि पक्राउ परिन्
काठमाडौं । चोरी गरेको अभियोगमा सिन्धुली महादेवस्थान–८ घर भएकी ५६ बर्षीया संझना कार्की (दिदि ) लाई प्रहरीले पक्राउ गरेको छ । काठमाडौँ महानगरपालिका हाडीगाउँस्थित चण्डिका कार्कीको कोठाबाट जेठ १० गते चोरी गरी फरार रहेकी उनलाई महानगरीय प्रहरी प्रभागगोकर्णेश्वरले मंगलबार गोकर्णेश्वर नगरपालिका–१० स्थित माया लामाको कोठाबाट नगद ११ हजार २ सय ५० रुपैयाँ, डेढ तोलाको सनुको सिक्री र मोवाइलसहित पक्राउ गरेको थियो ।
यसैगरी करीव ६ लाख रुपैयाँ बराबरको साइकल चोरी गर्ने काठमाडौँ बस्ने सोलुका १९ बर्षीय नवङ्गा दावालाई प्रहरीले पक्राउ गरेको छ । जेठ ५ गते राति काठमाडौँ महानगरपालिका–२९ ठमेल बस्ने ५१ बर्षीय विकास श्रेष्ठको पेडल स्पोर्ट साइकल पसलमा कोही नभएको अवस्थामा साइकल चोरी गरेका थिए ।
घटनापछि चोरहरुको खोजतलास गर्ने क्रममा मंगलबार काभ्रे भुकुण्डेबेसीबाट उक्त साइकलसहित दावालाई प्रहरीले पक्राउ गरेको हो ।
घटनाका सम्बन्धमा स्थानीय प्रहरीले आवश्यक अनुसन्धान गरिरहेको छ ।
घटनाका सम्बन्धमा स्थानीय प्रहरीले आवश्यक अनुसन्धान गरिरहेको छ ।
