यस्तो छ किम करामत (फोटोफिचर)
हलिउड सुन्दरी एवं टीभी स्टार किम कार्दायसिन चर्चाको पर्याय मानिन्छिन्। सेलिब्रेटीहरूमा 'ब्युटी अफ बडी'को कुरा गर्दा उनको नाम छुट्दैन।
शारीरिक सुन्दरतामा उनी जति अब्बल छिन् त्यसको भरपूर उपयोग पनि गरिरहेकी छन्, चाहे नग्न फोटो सुट गरेर होस् वा अरूलाई आकर्षित गरेर। गुगलमा सर्वाधिक खोजिने सेलिब्रेटीमा पनि दरिएकी छन् उनी।
सधैं चर्चामा आइरहनुमा उनको भर्सटाइल छवि पनि कारक मानिन्छ। अभिनय, मोडलिङ, फेसन डिजाइन, सफल व्यवसायीदेखि टीभी स्टारसम्म सफल र दखल राख्ने उनी संसारमा सर्वाधिक रुचाइएको मोडेलमा पर्छिन्। नग्नतामा रमाउने उनले धेरैपटक 'न्युड फोटोसुट' गरिसकेकी छन्।
सन २००८ मा प्ले ब्वाइ म्यागजिनका लागि नग्न फोटोसुट गरेपछि उनको चर्चा झनै चुलिएको हो। नग्न फोटोसुटपछि 'आफ्नो शरीर देखेर आत्मविश्वास बढेको'तर्क गरेर उनले प्रशंसा पनि कमाइन्।
दर्जनौं व्यक्तिसँग प्रेम एवं रोमान्स गरेकी किमले संगीत व्यवसायी डामोन थोमस, बास्केटबल खेलाडी क्रिस र :यापर केने वेस्ट गरी तीन जनासँग विवाह नै गरिसकेकी छन्।
'शरीर जबसम्म राम्रो हुन्छ तबसम्म न्युड फोटो सुट गरिरहने' अभिव्यक्ति दिने गरेकी उनले बैंसका अनेकन मोड, गर्भवतीदेखि सुत्केरी हुँदासमेत नग्न फोटो सुट गराएकी छन्। बिन्दास स्वभावकी किमले दर्जनौं व्यक्तिसँग प्रेम एवं रोमान्स गरेकी छन्।
तीमध्ये तीन जनासँग विवाह नै गरिन्। १९ वर्षको उमेरमा संगीत व्यवसायी डामोन थोमससँग विवाह गरेकी उनी चार वर्षपछि सन् २००३ मा उनीसँग छुट्टिइन।
लामो समय एक्लै रहेर विभिन्न व्यक्तिसँग रोमान्स गरेकी उनले सन् २०११ मा बास्केटबल खेलाडी क्रिससँग दोस्रो विवाह गरिन् तर विवाह गरेको ७२ घन्टामै उनीहरूको डिभोर्स भयो। सन् २०१२ मा :यापर केने वेस्टसँग तेस्रो विवाह गरेकी उनले उनीबाट एक छोरी 'नोरी'लाई जन्म दिइसकेकी छन्।
विवाहअगाडि नै माइकल ज्याक्सनका भतिज र्यापर रे जेसँग किमको सेक्स भिडियो बाहिरिएपछि तहल्का मच्चिएको थियो। जेसँग तीन वर्ष रोमान्स गरेकी किमको नाम फुटबलर क्रिस्टियानो रोनाल्डो, गायक जोन मेयरलगायत धेरैसँग जोडिएको छ।
सानोमा शिक्षिका बन्ने लक्ष्य लिएकी उनी उमेर पुगेपछि रंगीन संसारमा प्रवेश गरेकी हुन्। स्कुलमा हलिउड नायिका तथा मोडेल पेरिस हिल्टनकी साथी हुन् उनी। यो क्षेत्रमा आउन पेरिसको हात रहेको किम बताउने उनी जेनिफर लोपेजबाट प्रभावित छिन्। -एजेन्सी
